जळगावच्या बाप लेकानं केली कमाल! या पिकातून फक्त १०० दिवसांत कमावले १८ लाख रुपये, असं केलं तरी काय?

बाळचंद्र पाटील यांनी पारंपरिक पद्धतीऐवजी आधुनिक शेती तंत्राचा अवलंब केला. ठिबक सिंचन पद्धतीचा वापर करत प्लास्टिक आच्छादन (मल्चिंग) करून टरबूज लागवड करण्यात आली. आणि त्याचा त्यांना मोठा फायदाही झाला.

बालचंद्र पाटील यांनी गोंडगाव शिवारातील आपल्या शेतात दोन टप्प्यांत टरबूज लागवड केली. पहिल्या टप्प्यात २८ नोव्हेंबर २०२५ रोजी अडीच एकर क्षेत्रात टरबुजांच्या रोपांची लागवड केली. तर दुसरीकडे या क्षेत्रातून पहिल्या तोडीत सुमारे ४८ टन टरबूज उत्पादन मिळालं. या टरबूजाला प्रतिकिलो २२ रुपये असा चांगला बाजारभाव मिळाला. त्यामुळे या टप्प्यात सुमारे १० लाख ५० हजार रुपयांची विक्री झाली.

पाटील यांना या लागवडीसाठी खत, औषध फवारणी, मजुरी आणि इतर खर्च मिळून सुमारे २ लाख रुपये खर्च झाला. पहिल्या तोडीनंतर अजून सुमारे २० टन उत्पादन मिळाले.

टरबूजाची उच्च दर्जा आणि वाढती मागणी पाहता त्यांचा शेतमाल दिल्लीत पोहोचला. व्यापरांची पसंती वाढल्याने टरबूज दिल्ली मार्केटला पाठवण्यात आला .

या संपूर्ण यशमागे पाटील यांच्या कुटुंबाची मोठी साथ लाभली. लहान मुलगा शंकर पाटील यांच्या सह्हयाने पिकाचे योग्यरित्या नियोजन केले आणि यश मिळवलं.