इराणचा नवा सुप्रीम लीडरही कोमात? एक पायही गमावला, मोजतबा खामेनींबद्दल खळबळजनक दावा

Iran-Israel War News Update: आखाती देशात युद्धाचा भडका उडाला आहे. इस्त्रायल आणि अमेरिकेनं इराणवर हल्ला केल्यानंतर या युद्धाची धग आखाती राष्ट्रांमध्ये पसरली आहे. येथील स्थिती आता भीषण झाली आहे. हे युद्ध धुमसत असताना आता इराणमधून एक अत्यंत धक्कादायक बातमी समोर येत आहे. इराणचे नवनियुक्त सर्वोच्च नेते मोजतबा खामेनी यांची प्रकृती अत्यंत चिंताजनक असून ते सध्या 'कोमा'मध्ये असल्याची माहिती समोर आली आहे. ब्रिटीश वृत्तपत्र 'द सन' ने याबाबत मोठा दावा केला आहे. इतकेच नव्हे तर, इराणच्या नव्या सुप्रीम लीडरचा एक पाय कापण्यात आला असून त्यांच्या यकृत आणि पोटाला गंभीर जखमा झाल्याचंही या वृत्तात नमूद करण्यात आलं आहे.