Bhushi Dam : धबधब्यात खडकावर उभा राहिले, काही क्षणात वाढलं पाणी; कुटुंबच वाहून गेलं, चारच दिवसांपूर्वी....

भुशी धरणाच्या मागच्या बाजूला असणाऱ्या धबधब्यात एकाच कुटुंबातील पाच जण वाहून गेल्याची धक्कादायक घटना रविवारी घडली. यापैकी तिघांचे मृतदेह सापडले असून दोघांचा शोध घेतला जात आहे.

<a href="https://news18marathi.com/pune/">हडपसरमधील</a> अन्सारी कुटुंबिय फिरण्यासाठी गेले असताना धरणाच्या पूर्वेकडे असणाऱ्या धबधब्याच्या प्रवाहात ते उतरले होते. पाणी कमी असताना ते खडकावर गेले. पण अचानक पाणी वाढल्याने अडकले.

पावसाचा जोर वाढल्यानं प्रवाहाचा वेगही वाढला आणि सगळेच अडकून पडले. यात नूर अन्सारी, अमिना अन्सारी, मारिया अन्सारी, हुमेदा अन्सारी, अदनान अन्सारी हे वाहून गेले.

अन्सारी कुटुंबात चारच दिवसांपूर्वी लग्नसोहळा पार पडला होता. नवदाम्पत्यसुद्धा यात वाहून गेले होते. मात्र सुदैवाने ते दोघेही वाचले असून त्यांची प्रकृती गंभीर आहे.

सय्यदनगर इथं मौलाना असलेल्या सलमान अन्सारी यांच्या दोन मुली, त्यांची मेहुणी, मेहुणीची मुलगी आणि मेहुण्याचा मुलगा असे पाच जण वाहून गेले आहेत.