Nag Panchami 2024: जीवनात पुन्हा येईल आनंद! नागपंचमीच्या दिवशी या उपायांनी कायमचा घालवा कालसर्प दोष
- Published by:Ramesh Patil
- trending desk
Last Updated:
Marathi Nag Panchami 2024: हिंदू धर्मात अनेक महत्त्वाचे सण उत्साहात साजरे केले जातात. प्रत्येक सणाचं खास असं महत्त्व आहे. नागपंचमी हा त्यापैकीच एक सण होय. श्रावण महिन्याच्या शुक्ल पक्षातल्या पंचमीला हा सण साजरा होतो. या दिवशी नागाची पूजा केली जाते. तसंच काही व्यक्ती या दिवशी उपवास देखील करतात. ज्या व्यक्तींच्या कुंडलीत राहू-केतूचे दोष किंवा कालसर्प योग आहे, त्यांनी या दिवशी काही खास उपाय केल्यास हा दोष कमी होऊ शकतो. या उपायांविषयी सविस्तर जाणून घेऊ या.
advertisement
1/5
हिंदू धर्मात नागपंचमी हा महत्त्वाचा सण आहे. यंदा 9 ऑगस्टला नागपंचमी आहे. घरात सुख-शांती नांदावी यासाठी नागपंचमीला नागपूजन केलं जातं. नागाची मनोभावे पूजा केल्यास मनोकामना पूर्ण होते, असं मानलं जातं. नागाची पूजा केल्यास कुंडलीत राहू आणि केतूशी संबंधित दोष, कालसर्प दोष दूर होतो.
advertisement
2/5
एखाद्या व्यक्तीच्या कुंडलीत कालसर्प दोष असेल किंवा त्याच्या हातून नकळत साप, नाग मारला गेला असेल तर त्याचा दोष लागतो. यासाठी नागपंचमीला काही उपाय केल्यास या दोषांतून मुक्ती मिळते.
advertisement
3/5
भगवान शंकराची पूजा आणि रुद्राभिषेक केल्यास कालसर्प दोषाचा प्रभाव कमी होऊ शकतो. विशेषतः श्रावण महिन्यात ही पूजा अवश्य करावी. नागपंचमीला चांदीचा नाग आणि नागिणीची पूजा करावी आणि नंतर ते वाहत्या पाण्यात सोडून द्यावं. यामुळेदेखील कालसर्प दोष कमी होतो.
advertisement
4/5
कालसर्प दोषाची तीव्रता कमी व्हावी, यासाठी नागपंचमीला नागदेवतेची पूजा करावी. नागदेवतेचा फोटो किंवा मूर्तीला स्नान घालून फुलं अर्पण करावीत. दिवा लावावा. यामुळे हा दोष कमी होतो.
advertisement
5/5
कालसर्प दोष दूर व्हावा यासाठी नागपंचमीला शिवमंदिरात जावं. तिथं साफसफाई करावी. दुरुस्तीचं काही काम असेल तर ते करावं. यामुळे कालसर्प दोष कमी होतो आणि भगवान शंकराची कृपादृष्टी लाभते. तसंच नागपंचमीला साप किंवा नागाशी संबंधित वस्तूंचं दान करावं. तसंच गरीब, गरजूंना अन्न किंवा वस्त्रदान करावं. यामुळेदेखील कालसर्प दोष नाहीसा होतो. (सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)
मराठी बातम्या/फोटोगॅलरी/अध्यात्म/
Nag Panchami 2024: जीवनात पुन्हा येईल आनंद! नागपंचमीच्या दिवशी या उपायांनी कायमचा घालवा कालसर्प दोष