MS Dhoni : 'कॅप्टन कूल' धोनीला महिन्याला किती पेन्शन मिळते? आकडा पाहून शॉक व्हाल!

भारतीय क्रिकेट चाहते त्याला प्रेमाने "माही" म्हणतात, कारण एमएस धोनी नेहमीच त्याच्या चाहत्यांसाठी खास राहिला आहे. कर्णधार असो, फिनिशर असो किंवा विकेट कीपर असो, मैदानावर धोनीसाठी नेहमीच त्याचं सर्वोत्तम देतो. आता धोनीने आंतरराष्ट्रीय क्रिकेटमधून निवृत्ती घेतली आहे, पण तुम्हाला माहिती आहे का की भारतीय क्रिकेट नियामक मंडळ (बीसीसीआय) त्याला दरमहा किती पेन्शन देते?

एमएस धोनीने 15 ऑगस्ट 2020 रोजी आंतरराष्ट्रीय क्रिकेटमधून निवृत्ती घेतली. त्यानंतरही तो इंडियन प्रीमियर लीग (आयपीएल) मध्ये सक्रिय होता. धोनी आयपीएल 2025 मध्ये चेन्नई सुपर किंग्जकडून अनकॅप्ड खेळाडू म्हणून खेळला. त्यामुळे त्याला आयपीएलच्या प्रत्येक मोसमासाठी 4 कोटी रुपये मिळतात.

बीसीसीआयने माजी खेळाडूंसाठी पेन्शन योजना सुरू केली आहे. या योजनेअंतर्गत, खेळाडूंना प्रत्येक सामन्याच्या आधारावर पेन्शन दिले जाते. 2022 मध्ये, बीसीसीआयने पेन्शन योजनेत बदल केले, ज्यामुळे माजी खेळाडूंचे पेन्शन वाढले.

माजी प्रथम श्रेणी पुरुष क्रिकेटपटू : ₹30,00/महिना, माजी कसोटी क्रिकेटपटू ₹60,000/महिना, 25 किंवा त्याहून अधिक कसोटी खेळलेले - ₹70,000/महिना, महिला आंतरराष्ट्रीय क्रिकेटपटू ₹52,500/महिना, 2003 पूर्वी निवृत्त झालेल्या महिला प्रथम श्रेणी क्रिकेटपटू : ₹45,000/महिना.

धोनीने भारताकडून 90 टेस्ट, 350 वनडे आणि 98 टी-20 आंतरराष्ट्रीय मॅच खेळल्या, त्यामुळे त्याला बीसीसीआयकडून महिन्याला ₹70,000 रुपये पेन्शन दिलं जातं. धोनीची एकूण संपत्ती सुमारे एक हजार कोटी आहे.

धोनीने त्याच्या आंतरराष्ट्रीय कारकिर्दीत 17,266 रन केल्या आहेत, ज्यामध्ये 16 शतके आणि 108 अर्धशतके आहेत. धोनीने 2004 मध्ये आंतरराष्ट्रीय पदार्पण केले आणि 2007 मध्ये तो भारतीय टीमचा कर्णधार बनला. त्याच्या नेतृत्वाखाली भारताने 2007 चा टी-20 वर्ल्ड कप, 2011 चा वनडे वर्ल्ड कप आणि 2013 ची चॅम्पियन्स ट्रॉफी जिंकली.

धोनी आयपीएल 2026 मध्ये पुन्हा एकदा चेन्नई सुपर किंग्जकडून खेळताना दिसणार आहे, पण धोनीचं हे आयपीएलचं शेवटचं वर्ष असू शकतं.