RCB दुसऱ्यांदा चॅम्पियन झाल्यावर विराटचा आनंद गगनात मावेना, स्मृती अँड कंपनीसाठी केली धमाकेदार पोस्ट, 'पोरींनो तुम्ही नक्कीच...'

स्मृती मंधानाच्या नेतृत्वाखाली खेळताना आरसीबीने कोटंबी स्टेडियमवर दिल्ली कॅपिटल्सचा पराभव करून दुसऱ्यांदा विमेन्स प्रीमियर लीगचे (WPL) जेतेपद पटकावलं आहे. त्यानंतर किंग कोहली भलताच खूश झालेला दिसतोय.

या दिमाखदार विजयानंतर भारताचा दिग्गज फलंदाज आणि आरसीबीचा स्टार विराट कोहली याने महिला टीमचे भरभरून कौतुक केलं असून त्यांना शुभेच्छा दिल्या आहेत.

आरसीबी एकदा पुन्हा चॅम्पियन! आरसीबीचा झेंडा उंचावत ठेवल्याबद्दल तुम्हा सर्वांचा अभिमान वाटतो, असं विराट कोहलीने इन्टाग्राम पोस्ट करत म्हटलं आहे.

स्मृती आणि संपूर्ण संघ तसेच व्यवस्थापन संघाला या विजयाबद्दल खूप खूप अभिनंदन. तुम्ही या विजयासाठी निःसंशयपणे पात्र आहात, असंही किंग कोहली म्हणाला.

ट्रॉफी जिंकली आता या क्षणाचा आनंद घ्या आणि आमच्या अप्रतिम चाहत्यांच्या प्रेमाचा स्वीकार करा, असं म्हणत विराट कोहलीने आरसीबीसाठी पोस्ट केली आहे.

विराट कोहली अनेकदा वुमेन्स खेळाडूंना प्रोत्साहन देताना दिसतो. दुसऱ्यांदा WPL जिंकून त्यांनी आपला दबदबा सिद्ध केला असून आरसीबी फॅन्समध्ये उत्साहाचे वातावरण आहे.

दरम्यान, आरसीबीसाठी जॉर्जियाने 54 बॉलमध्ये 79 रन्स बनवत आरसीबीच्या विजयावर शिक्कामोर्तब केले आणि चाहत्यांना सेलिब्रेशनची मोठी संधी दिली. तर राधा यादवचा फिनिशिंग टच कामी आला.