ChatGPT लक्षात ठेवते तुमच्या सर्व गोष्टी! या ट्रिक्सने सेव्ह करणार नाही तुमची माहिती

मुंबई : ChatGPT हा जगातील सर्वात जास्त वापरला जाणारा चॅटबॉट आहे, जो दररोज लाखो लोक वापरतात. तुम्ही तो वापरला असेल, तर लक्षात ठेवा की तो तुमचा डेटा गोळा करतो. हा डेटा भविष्यातील रिस्पॉन्स पर्सनलाइज करण्यास मदत करतो. तसेच, लक्षात ठेवा की तुमचा डेटा AI मॉडेल्सना प्रशिक्षित करण्यासाठी वापरला जाऊ शकतो. तुम्ही तुमचा डेटा प्रायव्हेट ठेवण्यास प्राधान्य देत असाल, तर काही टिक्स तुम्हाला तुमचे काम पूर्ण करण्यास मदत करू शकतात आणि चॅटबॉटला किमान माहिती प्रदान करू शकतात.

अकाउंटशिवाय वापर करा : बेसिक सर्च किंवा प्रश्नांसाठी तुम्ही अकाउंट तयार न करता ChatGPT वापरू शकता. हे चॅटबॉटच्या काही फीचर्सना मर्यादित करते, परंतु तुमची मूलभूत कामे पूर्ण होतील आणि तुमचा डेटा ChatGPTच्या हाती लागणार नाही.

टेम्परेरी चॅटही चांगला ऑप्शन : तुम्ही ChatGPT वर अकाउंट तयार केले असेल, तर ते तुमच्या सर्व संभाषणांचा इतिहास संग्रहित करते. तुम्हाला ते तुमचे उर्वरित संभाषण रेकॉर्ड करू इच्छित नसेल, तर तुम्ही तात्पुरता चॅट पर्याय वापरू शकता. चॅटबॉटमधील टेम्पररी चॅट आयकॉनवर टॅप करून हे अॅक्सेस करता येते.

मॉडेल ट्रेनिंग डिसेबल करा : चॅटजीपीटी तुमच्या संभाषणांचा वापर करून त्याचे मॉडेल प्रशिक्षित करू शकते. तुम्हाला हे नको असेल, तर तुम्ही पर्सनल इंफोर्मेशन शेअर होण्यापासून रोखू शकता. हे करण्यासाठी, तुमच्या अकाउंट सेटिंग्जमध्ये जा आणि डेटा कंट्रोलवर जा. येथे, इम्प्रूव्ह द मॉडेल फॉर एव्हरीवन ऑप्शन डिसेबल करा.

मेमरी बंद करा : तुम्हाला या चॅटबॉटने तुमचे पर्सनल डिटेल्स लक्षात ठेवू नये असे वाटत असेल, तर तुम्ही मेमरी फीचर बंद करू शकता. हे करण्यासाठी, सेटिंग्जमध्ये जा, पर्सनलाइजेशन विभागात जा, मेमरी सेक्शनमध्ये खाली स्क्रोल करा आणि हे फीचर बंद करा.