Sir या शब्दाचा अर्थ काय? तो आला कुठून? अनेकांना माहित नाही कारण

लहानपणापासून आपण सर आणि मॅडम हा शब्द वापरतो. शाळेत असताना शिक्षकांना, ऑफिस आणि बाहेरील आयुष्यात आपल्यापेक्षा मोठ्या व्यक्तीला आपण सर किंवा मॅडम म्हणतो.

हा शब्द इंग्रजी आहे आणि तो इंग्रजांमुळे भारतात आला. पण तुम्हाला 'सर' या शब्दाचा अर्थ माहितीय का?

'सर' हा शब्द एखाद्या मोठ्या माणसाला किंवा व्यक्तीला संबोधण्यासाठी वापरला जाणारा सन्माननीय शब्द आहे, तो एखाद्या प्रोफेशनल व्यक्तीसाठी वापरला जातो.

हा शब्द फ्रेंचमधील 'सायर' पासून आला. जो लॅटिन मधील 'सिनियर' या शब्दापासून घेतला गेला. सिनियरचा अर्थ मोठी व्यक्ती असा होतो.

शिवाय 'सायर' हा शब्द शूरवीर, कुलीन आणि उच्च सामाजिक दर्जाच्या इतर पुरुषांसाठी वापरला जातो.

कालांतराने, शब्दलेखनात "सर" असे लिहिले जाऊ लागले किंवा विकसित झाले आणि त्याचा वापर करुन आपण औपचारिक परिस्थितीत पुरुषांना संबोधित करण्यासाठी ही वापरतो.