TRENDING:
आठवडाभर मृतदेह घरातच होता
सुजाता या सासरच्या वस्तीवरील घरात एकट्याच राहत होत्या. त्यांचे पती नोकरीनिमित्त पुण्यात असतात, तर सासू-सासरे बारामती शहरात राहतात. गेल्या ६-७ दिवसांपासून सुजाता फोन उचलत नसल्याने काळजीपोटी त्यांचे भाऊ आणि माहेरचे लोक सोनगावला पोहोचले. घराचा दरवाजा उघडून आत प्रवेश केला असता, सुजाता यांचा मृतदेह कॉटवर ब्लँकेटने झाकलेल्या अवस्थेत आढळून आला. मृत्यूला अनेक दिवस उलटल्याने मृतदेह सडलेल्या अवस्थेत होता.
advertisement
पोलीस तपासातील प्राथमिक अंदाजानुसार, सुजाता यांचा मृत्यू नैसर्गिक असावा. झोपेत असताना अचानक एखादे गंभीर वैद्यकीय कारण उद्भवले असावे आणि घरात कोणीही नसल्यामुळे त्यांना वेळेवर मदत मिळाली नसावी, ज्यामुळे त्यांचा दुर्दैवी अंत झाला असावा, अशी शक्यता वर्तवली जात आहे. मात्र, मृतदेह झाकलेल्या अवस्थेत असल्याने माहेरच्यांचा संशय बळावला आहे.
नातेवाइकांचा संताप आणि घरासमोर अंत्यविधी
हा प्रकार समोर येताच सुजाता यांच्या माहेरच्या लोकांनी सासरच्या मंडळींवर कौटुंबिक छळ आणि घातपाताचा आरोप केला. संताप इतका अनावर होता की, गावकऱ्यांच्या आणि पोलिसांच्या उपस्थितीतच त्यांनी सुजाता यांचा अंत्यविधी सासरच्या घरासमोर करून आपला निषेध नोंदवला. या अनपेक्षित प्रकारामुळे गावात तणावाचे वातावरण निर्माण झाले होते.
पोलीस सध्या या प्रकरणाचा सर्व बाजूंनी तपास करत असून, शवविच्छेदन अहवालानंतरच मृत्यूचे नेमके कारण स्पष्ट होणार आहे.