नेमकी घटना कधीची?
20 नोव्हेंबर 2022 रोजी दुपारी साडेचारच्या सुमारास स्वप्निल यांना एक अनोळखी क्रमांकावरून जिओ फायबरच्या स्वस्त ऑफरचा संदेश आला. संदेशात दिलेल्या लिंकवर त्यांनी क्लिक केले आणि लगेच त्यांच्या फोनचा सायलेंट मोड सक्रिय झाला. थोड्याच वेळात फोनचे कामकाज बिघडले आणि नंतर त्यांच्या क्रेडिट कार्डवरून दोन व्यवहारांद्वारे 98,000 रुपये आणि 36,000 रुपये हेच एकूण 1,34,000 रुपये वळविण्यात आले.
advertisement
गुन्ह्याची अजब बाजू म्हणजे हे सर्व व्यवहार ओटीपी न देता कसे झाले, हे अद्याप गुप्तच आहे. स्वप्निल यांनी तत्काळ बँकेशी संपर्क साधला व सायबर पोलिस ठाण्यात तक्रार नोंदवली; तसेच त्यांनी फ्रिचार्ज मर्चंटकडून माहिती मागितली, परंतु त्यातून काही ठोस तथ्य समोर आले नाही.ही तक्रार पुंडलिकनगर पोलीस ठाण्यात नोंद झाली असून तपास पोलीस निरीक्षक अशोक भंडारे यांच्या नेतृत्वाखाली चालू आहे. पोलिस सध्या लिंकच्या मागोमागील आयपी, मर्चंट रेकॉर्ड आणि व्यवहारांची तांत्रिक चौकशी करत आहेत.
नागरिकांनी कोणती काळजी घ्यावी
1)अनोळखी लिंकवर कधीही क्लिक करू नका.
2)बँकिंग व्यवहारांसाठी फक्त अधिकृत अॅप किंवा वेबसाइट वापरा.
3)संशयास्पद व्यवहार दिसल्यास त्वरित बँकेशी संपर्क साधा आणि सायबर पोलिसांना सूचित करा.