पुण्यात लव्ह जिहादचा संशय, हिंदू संघटनांकडून राडा, पोलिसांनी सांगितली दुसरी बाजू

नेमकं प्रकरण काय?

पोलिसांनी दिलेल्या माहितीनुसार, मुलगी सज्ञान आहे. तिचं घराशेजारी राहणाऱ्या एका मुस्लीम तरुणासोबत दीड वर्षांपासून प्रेमसंबंध होते. ती घरातून निघून गेली होती. याबाबत पोलिसांत तक्रार दिल्यानंतर पोलिसांनी शोध घेतला असता ती २२ मार्च रोजी पोलिसांना सापडली. पण तोपर्यंत तिने संबंधित मुलासोबत मंदिरात लग्न केलं होतं. तसेच तिने आईकडे जाण्यास नकार दिला आणि ती मुलासोबत गेली होती.

advertisement

मंगळवारी तरुणीच्या आईने तिला बोलायचं असल्याचं सांगून घरी बोलावून घेतलं होतं. त्यानुसार पोलिसांनी तिला बोलावून घेतलं. यावेळी आई आणि इतर नातेवाईकांनी तिची समजूत घालण्याचा प्रयत्न केला. तसेच पुन्हा घरी येण्यास सांगितलं. मात्र तिने आईकडे जाण्यास नकार दिला. तसेच त्यांच्याकडून आपल्या जीवास धोका असल्याचं तिने सांगितलं आणि मुलाकडेच जायचं असा जबाब दिला.

त्यावेळी तिचे नातेवाईक आणि हिंदू संघटनेच्या कार्यकर्त्यानी पोलीस स्टेशन समोर मुलगी ताब्यात द्या, म्हणून गोंधळ घालण्याचा प्रयत्न केला. यामुळे पोलीस आणि हिंदुत्ववादी संघटनामध्ये बाचाबाची झाली. पोलिसांनी त्यांना सहकार्य केलं आहे. मात्र विनाकारण पोलिसांवर दबाव टाकण्यासाठी प्रक्षोभक खोट्या पोस्ट व्हायरल करून लोकांना भडकवण्याचं काम काही लोक करीत आहेत, अशी माहिती पोलिसांनी दिली.