TRENDING:
प्रकरण काय?
राजेंद्र एकनाथ जांभूळकर (वय ६५, रा. वानवडी) यांनी याप्रकरणी फिर्याद दिली आहे. जांभूळकर यांच्या आझादनगरमधील जागेत बांधकामासाठी विटांचा ट्रक आला होता. मात्र, शेजारी राहणारे जॉन गेगरी फर्नांडिस (वय ५७) यांनी आपल्या गाड्या जांभूळकर यांच्या गेटसमोर पार्क केल्या होत्या. त्यामुळे ट्रक आत नेता येत नव्हता. जेव्हा जांभूळकर यांनी गाड्या हटवण्याची विनंती केली, तेव्हा फर्नांडिस यांनी केवळ नकारच दिला नाही, तर वाद घालण्यास सुरुवात केली.
advertisement
जांभूळकर आणि त्यांचा मुलगा रोहन स्वतःहून गाड्या बाजूला करण्याचा प्रयत्न करू लागले. यावेळी फर्नांडिस यांनी रागाच्या भरात आपली ३ पाळीव जर्मन शेफर्ड कुत्री त्यांच्या अंगावर सोडून दिली. यातील एका कुत्र्याने रोहन यांच्या डाव्या पायाच्या पोटरीचा जोरात चावा घेतल्याने मोठा रक्तस्राव झाला. एवढ्यावरच न थांबता, फर्नांडिस यांनी हातातील वस्तूने दोघांना मारहाण करत जीवे मारण्याची धमकी दिली.
वानवडी पोलिसांनी याप्रकरणी जॉन फर्नांडिस याच्यावर भारतीय दंड संहितेच्या विविध कलमान्वये गुन्हा दाखल केला असून, पोलीस हवालदार क्षीरसागर या प्रकरणाचा अधिक तपास करत आहेत.