उन्हाळी सुट्टीत गावी जाताय? पुण्यातून 450 जादा बस, कोल्हापूर, कोकण अन् कुठं जाणार?

महाराष्ट्र आणि महाराष्ट्राच्या बाहेरील लाखो लोक नोकरी, शिक्षण आणि व्यवसायाच्या निमित्ताने पुण्यात स्थायिक आहेत. शाळा, महाविद्यालयांना उन्हाळी सुट्ट्या सुरू होताच अनेकजण गावी जातात. तर काहीजण पर्यटनाचे नियोजन देखील करत असतात. त्यासाठी महिन्याभरापासूनच रेल्वे, एसटीसह इतर वाहनांचे सीट आरक्षित केले जातात. परंतु, काही वेळा बुकिंग फुल्ल झाल्याने अडचण होते. त्यासाठी एसटीने मोठा निर्णय घेतला आहे.

advertisement

प्रवाशांनो टेन्शन सोडा, रेल वन ॲपवरील अडकलेले पैसे आता परत मिळणार; फक्त 'हे' करा

कुठून कुठे जाणार जादा बस?

पुण्यातील विविध आगारातून राज्यातील विविध ठिकाणांसाठी जादा बस सोडण्यात येणार आहेत. स्वारगेट आगारातून ठाणे, बोरिवली, दादर, सोलापूर, कोल्हापूर, कल्याण, पंढरपूर या ठिकाणी बस सोडण्यात येतील.

पुणे स्टेशन आगारातून दादरसाठी बस धावतात. या काळात जादा बस सोडण्यात येईल.

शिवाजीनगर आगारातून छत्रपती संभाजीनगरसह नाशिक, लातूर, धुळे, अकोला, सोलापूर, भीमाशंकर, बोरिवली या मार्गावर नियमित बस धावतात. उन्हाळी सुट्ट्यांच्या काळात जादा बस सोडण्यात येतील.

दरम्यान, दरवर्षी शाळांच्या परीक्षा संपल्यानंतर अनेकजण बाहेरगावी जाण्याचे नियोजन करतात. 10 ते 12 एप्रिलपर्यंत या परीक्षा संपतात. यंदा परीक्षेच्या वेळापत्रकात बदल झाले असून 25 एप्रिलपर्यंत परीक्षा सुरू राहतील. त्यामुळे त्यानंतर प्रवाशांची संख्या वाढण्याची शक्यता आहे.