TRENDING:
पुणेकरांसाठी प्रवासाची नवी क्रांती
सध्या सुरू असलेल्या मुंबई-अहमदाबाद बुलेट ट्रेनच्या धर्तीवरच आता देशात सात नवीन हाय-स्पीड कॉरिडॉर विकसित केले जाणार आहेत. अर्थमंत्री निर्मला सीतारामन यांनी जाहीर केल्यानुसार, पुणे हे या जाळ्यातील एक प्रमुख केंद्र असणार आहे.
मुंबई-पुणे मार्ग: या प्रकल्पामुळे दोन शहरांमधील प्रवासाचा वेळ कमालीचा कमी होईल.
पुणे-हैदराबाद मार्ग: पुण्याला दक्षिण भारताशी जोडणारा हा प्रकल्प व्यापार आणि पर्यटनाच्या दृष्टीने क्रांती घडवून आणेल.
advertisement
सात नवीन प्रकल्पांचे जाळे
केंद्र सरकारने 'नॅशनल हाय स्पीड रेल कॉर्पोरेशन लिमिटेड' (NHSRCL) च्या माध्यमातून खालील मार्गांवर काम करण्याचे नियोजन केले आहे: १. मुंबई ते पुणे २. पुणे ते हैदराबाद ३. हैदराबाद ते बंगळुरू ४. हैदराबाद ते चेन्नई ५. चेन्नई ते बंगळुरू ६. बंगळुरू ते वाराणसी ७. वाराणसी ते सिलीगुडी
मुंबई-अहमदाबाद बुलेट ट्रेनची सद्यस्थिती
मुंबई-अहमदाबाद या पहिल्या ५०८ किमीच्या बुलेट ट्रेन प्रकल्पाचे काम वेगात सुरू आहे. गुजरातमधील वापी ते साबरमती दरम्यानचा विभाग डिसेंबर २०२७ पर्यंत पूर्ण करण्याचे उद्दिष्ट आहे, तर मुंबईपर्यंतचा संपूर्ण मार्ग डिसेंबर २०२९ पर्यंत प्रवाशांसाठी खुला होण्याची अपेक्षा आहे.