पुणे ते नवी मुंबई विमानतळ फक्त सव्वा दोन तासात! एक्सप्रेसवेवरून जाण्यासाठी 'हा' शॉर्टकट ठरेल फायदेशीर

या व्हिडिओनुसार, पुणे किंवा सातारा बाजूने येणाऱ्या प्रवाशांसाठी मुंबई-पुणे एक्सप्रेसवे हा मुख्य कणा आहे. एक्सप्रेसवेवरून पुढे आल्यावर जेएनपीए (JNPA) रोड हा विमानतळाला जोडणारा सर्वात कार्यक्षम आणि वेगवान मार्ग आहे. हा मार्ग वापरल्यामुळे प्रवाशांना पनवेल शहरात न शिरता थेट विमानतळाच्या प्रवेशद्वारापर्यंत पोहोचता येईल.

काय आहे या मार्गाचा फायदा?

पारंपारिक जुन्या हायवेऐवजी एक्सप्रेसवे आणि जेएनपीए रोडचा वापर केल्यास सुमारे २० ते ३० मिनिटांची बचत होऊ शकते. तसंच हा मार्ग प्रामुख्याने हाय-स्पीड कॉरिडॉर असल्याने प्रवाशांना विनाअडथळा विमानतळापर्यंत पोहोचता येईल. व्हिडिओमध्ये प्रत्येक महत्त्वाच्या वळणावर एक्झिट आणि पुलांवर योग्य त्या खुणा कशा पाहायच्या, हे स्पष्ट करण्यात आले आहे.

advertisement

सध्या पुणे ते मुंबई विमानतळ प्रवासासाठी ४ तास लागतात. मात्र, नवी मुंबई विमानतळ कार्यान्वित झाल्यावर आणि या नवीन मार्गामुळे हा प्रवास केवळ २ ते अडीच तासांत पूर्ण होऊ शकेल. लोणावळा घाटातील 'मिसिंग लिंक' प्रकल्पाचे काम पूर्ण झाल्यावर हा वेळ आणखी कमी होणार आहे.

विमानतळ कधी सुरू होणार?

नवी मुंबई आंतरराष्ट्रीय विमानतळाचे काम आता अंतिम टप्प्यात असून, २०२५ च्या पहिल्या सहामाहीत येथून विमान सेवा सुरू होण्याची शक्यता आहे. प्रवाशांनी विमानतळावर वेळेत पोहोचण्यासाठी या नवीन कनेक्टिव्हिटी व्हिडिओचा आधार घ्यावा, असे आवाहन प्रशासनाकडून करण्यात आले आहे.