बसने अहिल्यानगरहून पुण्यात यायचा अन् दुचाकीनं परत जायचा; 40 वेळा उच्चशिक्षित तरुणाचं धक्कादायक कांड, अखेर CCTV मुळे उलगडा

शिक्षण पदवीधर, पण नाद चोरीचा

अटक करण्यात आलेल्या सराईत चोराचे नाव आश्पाक इसाक पठाण (वय ३२, रा. पाथर्डी, अहिल्यानगर) असून तो चक्क पदवीधर आहे. चोरीच्या दुचाकी विकत घेणारा त्याचा साथीदार मुकुंद उद्धवराव हारदास यालाही पोलिसांनी जेरबंद केले आहे. अपर पोलीस आयुक्त सारंग आवाड यांनी या यशस्वी कारवाईची माहिती दिली.

Pune Crime: पुण्यात तरुणीनं आयुष्य संपवलं; 3 रूममेट्सनी पायलसोबत असं काय केलं? शेवटच्या नोटमध्ये धक्कादायक खुलासा

advertisement

बावधन पोलीस ठाण्याच्या हद्दीत वाढत्या दुचाकी चोरीच्या घटनांनंतर तपास पथकाने परिसरातील शेकडो सीसीटीव्ही कॅमेऱ्यांचे चित्रीकरण तपासले. तांत्रिक विश्लेषण आणि गुप्त बातमीदाराकडून मिळालेल्या माहितीनुसार, ७ मार्च रोजी बालेवाडी परिसरातून आश्पाक याला सापळा रचून ताब्यात घेण्यात आले. त्याच्या चौकशीत चोरीचा हा मोठा आकडा समोर आला.

चोरलेल्या गाड्या तो आपल्या साथीदाराला स्वस्तात विकायचा. या कारवाईमुळे पुणे आणि पिंपरी-चिंचवडमधील दुचाकी मालकांना मोठा दिलासा मिळाला आहे. पोलीस आता या टोळीने अजून किती ठिकाणी डल्ला मारला आहे, याचा तपास करत आहेत.