TRENDING:
विश्वासाला तडा
चिंचवडमधील एका महिलेने याप्रकरणी शुक्रवारी (२७ फेब्रुवारी) पोलीस ठाण्यात फिर्याद दिली. पोलिसांनी दिलेल्या माहितीनुसार, फिर्यादीच्या मुलीची मैत्रीण घरी नेहमी येत असे. या दरम्यान तिने घरातील मौल्यवान वस्तू आणि दागिने कोठे ठेवले जातात, याची गुपचूप माहिती काढली. १७ डिसेंबर २०२५ ते २४ फेब्रुवारी २०२६ या कालावधीत, सर्वांची नजर चुकवून तिने कपाटातील ४६.२९ ग्रॅम वजनाचे सोन्याचे दागिने चोरून नेले. घरात नेहमीची ये-जा असल्याने सुरुवातीला कोणालाच संशय आला नाही. मात्र दागिने गायब असल्याचे लक्षात येताच हा प्रकार उघडकीस आला.
advertisement
बँकेबाहेर महिलेची पर्स कापली
दुसरी एक घटना भोसरीतील लांडेवाडी परिसरात घडली. बँकेतून पैसे काढून बाहेर पडलेल्या एका महिलेच्या पर्समधून १० हजार रुपये चोरणाऱ्या दोन महिलांना भोसरी पोलिसांनी अटक केली आहे. आसाना सिसोदीया (३२) आणि ललिता सिसोदीया (३०, दोन्ही रा. मध्य प्रदेश) अशी आरोपींची नावे आहेत. फिर्यादी महिलेने बँकेतून ६० हजार रुपये काढून पर्समध्ये ठेवले होते. गर्दीचा फायदा घेत या आरोपींनी हातसफाई केली होती.
पिंपरी-चिंचवड पोलीस सध्या दोन्ही प्रकरणांचा सविस्तर तपास करत असून, नागरिकांनी अनोळखी व्यक्तींवर किंवा घरात येणाऱ्यांवर विश्वास ठेवताना सतर्क राहावे, असे आवाहन करण्यात आले आहे