TRENDING:
नेमकी कशी झाली कारवाई?
मंगळवारी (दि. १७) सकाळी साडेदहा वाजण्याच्या सुमारास वडगाव महामार्ग कार्यालयासमोर ही कारवाई करण्यात आली. अटकेत असलेल्या आरोपीचे नाव रोशनलाल नारायणलाल जाट (वय २५, रा. चित्तोडगड, राजस्थान) असे आहे. गुन्हे शाखेच्या मालमत्ता गुन्हे विरोधी पथकाचे पोलीस हवालदार नितीन लोखंडे यांनी याप्रकरणी शिरगाव परंदवाडी पोलीस ठाण्यात फिर्याद दिली आहे.
advertisement
पोलिसांनी दिलेल्या माहितीनुसार, रोशनलाल हा ९८० ग्रॅम वजनाचा अफू विक्रीसाठी बेकायदेशीररीत्या बाळगून होता. याबद्दलची माहिती मिळताच पोलिसांनी याठिकाणी पोहोचत तरुणाची झ़डती घेतली. यावेळी त्याच्याकडून तब्बल ७ लाख ८४ हजार रुपयांचा अफू जप्त करण्यात आला. पिंपरी-चिंचवड परिसरात हा अंमली पदार्थ कोणाला विकला जाणार होता, याचा तपास आता पोलीस करत आहेत. या कारवाईमुळे आंतरराज्य ड्रग्ज रॅकेटचे धागेदोरे हाती लागण्याची शक्यता वर्तवण्यात येत आहे.