TRENDING:
प्रमुख नेत्यांवर कारवाईची कुऱ्हाड
भाजप शहराध्यक्ष धीरज घाटे यांनी प्रदेशाध्यक्ष रवींद्र चव्हाण यांच्या निर्देशानुसार हे आदेश जारी केले आहेत. निलंबित करण्यात आलेल्यांमध्ये बाणेरचे माजी नगरसेवक अमोल बालवडकर, धनंजय जाधव, संदीप जऱ्हाड आणि सुनीता गलांडे यांसारख्या मोठ्या नावांचा समावेश आहे. याशिवाय अनिता तलाठी, पल्लवी गाडगीळ, रमेश भंडारी, संदीप लोणकर यांसह ६९ कार्यकर्त्यांना पक्षाबाहेरचा रस्ता दाखवण्यात आला आहे.
advertisement
कारवाईचं कारण काय?
महापालिका निवडणुकीत पक्षाचे अधिकृत तिकीट न मिळाल्याने अनेकांनी अपक्ष किंवा इतर पक्षांतून उमेदवारी अर्ज भरले होते. पक्षात राहूनही भाजप उमेदवाराचा पराभव करण्यासाठी छुपी मदत केल्याचा ठपका अनेक कार्यकर्त्यांवर ठेवण्यात आला आहे. अनेकांनी हकालपट्टी होण्यापूर्वीच तांत्रिकदृष्ट्या पक्षाला 'रामराम' ठोकला होता, मात्र आता भाजपने अधिकृतपणे त्यांची हकालपट्टी जाहीर केली आहे.
पुढील कारवाईचे संकेत
भाजपने ही कारवाई करून एक प्रकारे शिस्तीचा इशारा दिला आहे. दरम्यान, ज्या कार्यकर्त्यांनी अद्याप उघडपणे बंड केले नाही मात्र पडद्यामागून पक्षाला विरोध केला आहे, अशा अन्य काही प्रमुख नावांवरही लवकरच कारवाईची कुऱ्हाड कोसळण्याची शक्यता वर्तवली जात आहे.