Pune : '...नाहीतर मी पक्ष कार्यालयासमोर आत्मदहन करेन', आयुष कोमकरच्या आईने सांगितलं, आंदेकर टोळी मोठी कशी झाली?

Ayush komkar mother kalyani warn political Party : जो पक्ष बंडू आंदेकरला तिकीट देईल, त्या पक्ष कार्यालयासमोर येऊन मी आत्मदहन करेन, असं कल्याणी कोमकर म्हणाली आहे.

Pune Crime News : पुण्यातील कुख्यात गुंड बंडू आंदेकरचा नातू आयुष कोमकर याच्या हत्येने संपूर्ण महाराष्ट्रात खळबळ उडाली होती. बंडू आंदेकरनेच आपल्या नातवाची हत्या करून पुण्याचा रक्तरंजित इतिहास लिहिला होता. अशातच आता सर्वात शातिर गुन्हेगार मानला जाणारा बंदू आंदेकर आता निवडणुकीच्या रिंगणात उतरणार आहे. त्यासाठी त्याने न्यायालयात अर्ज देखील केला होता. अशातच आता आयुष कोमकरच्या आईने व्हिडीओ शेअर करत सर्व पक्षांना इशारा दिला आहे.

मला न्याय द्यायचा नसेल तर...

सर्वपक्षीय नेत्यांना माझी कळकळीची विनंती आहे. मला न्याय द्यायचा नसेल तर अन्याय पण करू नका. आंदेकरांना निवडणुकीचं तिकीट देऊ नका. कारण त्यांनी माझ्या एवढ्या लहान मुलाचं आयुष्य उद्ध्वस्त केलं. सत्तेची ताकद त्यांच्याकडे होती, त्यामुळे ते आज इतक्या थराला पोहोचले, असं म्हणत आयुष कोमकरची आई कल्याणी कोमकरने आंदेकर टोळीचं सिक्रेट उघड केलं.

कार्यालयासमोर येऊन मी आत्मदहन करेन

प्लिज असं नका करू. आंदेकर टोळीला तिकीट देऊ नका. मी विनंती करते. जो पक्ष त्यांना तिकीट देईल, त्या पक्ष कार्यालयासमोर येऊन मी आत्मदहन करेन. माझ्या मुलाला न्याय द्या, मला एवढंच पाहिजे, असं म्हणत कल्याणी कोमकरने व्हिडीओ शेअर केला आहे. आंदेकर टोळीला तिकीट दिलं तर ते सत्तेचा वापर करून पुन्हा गुन्हेगारीतून डोकं वर काढतील, असं कल्याणीला म्हणायचं आहे.

बंदू आंदेकरला कायद्याचं चांगलं ज्ञान

टॉप व्हिडीओज

सर्व पहा

“एकेकाळी चालवली रिक्षा, आज चालवतात स्वतःचे 'फूड ट्रक्स'; शिलावट बंधूंच्या जिद्दीची नाशिकमध्ये चर्चा!"

सर्व पहा

दरम्यान, बंदू आंदेकरला कायद्याचं चांगलं ज्ञान आहे. त्याचा कायद्यातील तुटी माहिती असल्याने त्याने निवडणूक लढवण्यासाठी अर्ज केला अन् जेलमधून बाहेर पडण्याचा प्रयत्न केला. परंतू आता कल्याणीने आपल्याच बापाविरुद्ध शड्डू ठोकला असून बंडूला जामीन मिळू नये म्हणून प्रयत्न केला जातोय. अशातच आता पुण्याच्या राजकारणात देखील याची चर्चा होताना दिसतीये.