TRENDING:
नेमकं काय घडलं?
तक्रारदार ज्येष्ठ नागरिक हे महर्षीनगरमधील एका सोसायटीत वास्तव्यास आहेत. १७ फेब्रुवारी रोजी दुपारी साडेचारच्या सुमारास एक आरोपी आपल्या बुलेटवरून सोसायटीच्या आवारात आला. त्याने विनाकारण बुलेटचा कानठळ्या बसवणारा हॉर्न वाजवण्यास सुरुवात केली. या आवाजाचा त्रास झाल्याने ज्येष्ठाने त्याला विचारणा केली. याचा राग मनात धरून आरोपीने सुरुवातीला शिवीगाळ केली आणि नंतर आपल्या साथीदारांना बोलावून घेतले. या टोळक्याने ज्येष्ठ नागरिकावर बॅटने हल्ला चढवला आणि त्यांना शारीरिक इजा केली.
advertisement
याप्रकरणी स्वारगेट पोलीस ठाण्यात गुन्हा दाखल करण्यात आला असून सहाय्यक पोलीस निरीक्षक शिरसाठ अधिक तपास करत आहेत. विशेष म्हणजे, पुणे पोलिसांनी नुकतीच शहरातील १५० हून अधिक बुलेट चालकांवर सायलेन्सरमध्ये फेरफार केल्याप्रकरणी कारवाई केली आहे. विरुद्ध दिशेने वाहन चालवणे आणि मोठे आवाज काढणाऱ्या दुचाकीस्वारांवर जप्तीची मोहीम सुरू असतानाच ही घटना घडल्याने संताप व्यक्त होत आहे.
रात्री-अपरात्री आवाज करून नागरिकांची झोपमोड करणाऱ्या आणि दहशत माजवणाऱ्या अशा बेशिस्त वाहनचालकांवर कठोर कारवाई करण्याचे आदेश पोलीस प्रशासनाने दिले आहेत.