TRENDING:
मैत्रीचा फायदा घेत केला गेम
तक्रारदार व्यावसायिक हे हडपसरमधील हांडेवाडी भागात राहतात. आरोपींचे हडपसरमध्येच कपड्यांचे दुकान असून, फिर्यादी आणि आरोपींची जुनी ओळख होती. याच ओळखीचा गैरफायदा घेत आरोपींनी त्यांना "मिनरल वॉटर व्यवसायात मोठी गुंतवणूक करा, त्यातून छप्परफाड नफा मिळेल," असे आमिष दाखवले. त्यांच्या शब्दावर विश्वास ठेवून १७ फेब्रुवारी २०२५ रोजी दोन्ही पक्षांमध्ये रीतसर भागीदारी करार करण्यात आला.
advertisement
अशी झाली फसवणूक
करारानुसार, फिर्यादीने व्यवसायासाठी १ कोटी ७८ लाख ७५ हजार रुपये गुंतवले. मात्र, फसवणुकीचा खेळ तिथेच थांबला नाही. जून ते ऑक्टोबर २०२५ या काळात पाण्याच्या बाटल्यांच्या विक्रीतून मिळालेले ५५ लाख ४८ हजार रुपये आरोपींनी व्यवसायाच्या खात्यात जमा करण्याऐवजी स्वतःच्या वैयक्तिक बँक खात्यात वळवले.
जेव्हा फिर्यादीने नफ्याचा हिशोब मागितला, तेव्हा त्यांना आपली फसवणूक झाल्याचे लक्षात आले. अखेर त्यांनी लोणी काळभोर पोलीस ठाण्यात धाव घेऊन तक्रार नोंदवली. सहाय्यक पोलीस निरीक्षक बाबर या प्रकरणाचा अधिक तपास करत आहेत.