TRENDING:
नेमकी घटना काय?
सगळ्या गोष्टी ऑनलाईन मागवण्याच्या सवयीमुळे एका महिलेनं एका मोबाईल ॲपच्या माध्यमातून घरकामासाठी महिला शोधली होती. सुरुवातीला काही महिने या कामगार महिलेनं अतिशय चांगल्या प्रकारे काम करून घरमालकीणचा विश्वास जिंकला. मात्र, एके दिवशी संधी मिळताच तिने घरातील मौल्यवान दागिने चोरले आणि पसार झाली. ही घटना घरी सांगणं कठीण झाल्यानं आणि चोरीला गेलेला ऐवज मोठा असल्यानं तक्रारदार महिलेची मोठी गोची झाली आहे.
advertisement
महिलेनं मदतीसाठी 'राष्ट्रीय मजदूर संघा'चे अध्यक्ष सुनील शिंदे यांच्याशी संपर्क साधला. मात्र, ज्या ॲपवरून मोलकरीण नेमली होती, त्याचं नावही संबंधित महिला विसरली आहे. शिवाय, अशा ॲप्सकडे कामगारांची पुरेशी पडताळणी नसल्याने चोरट्या महिलेचा शोध घेणं आता पोलिसांसमोर मोठं आव्हान ठरणार आहे.
या घटनेवरून घरकामगार संघटनांनी सरकार आणि ॲप चालकांवर निशाणा साधला आहे. "अनेक ॲप चालक कामगार कायद्यांचे पालन करत नाहीत. सरकारने त्यांना कायद्याच्या कक्षेत आणणे गरजेचे आहे," अशी मागणी जिल्हा घरकामगार संघटनेच्या अध्यक्षा किरण मोघे यांनी केली आहे. सध्या पोलिसांनी नागरिकांना ॲपवरून कोणालाही कामावर ठेवताना त्यांची संपूर्ण माहिती आणि पोलीस पडताळणी केल्याशिवाय घेऊ नये, असे आवाहन केले आहे.