TRENDING:
सुसाईड नोटमध्ये धक्कादायक खुलासा
पायल किशोर राजगुरू (वय १९, मूळ रा. मुळशी) असे मृत तरुणीचे नाव आहे. पायल पुण्यात नर्सिंगचा कोर्स करत होती आणि विठ्ठलनगरमधील अरिहंत कॉम्प्लेक्समध्ये तीन तरुणींसोबत पेइंग गेस्ट म्हणून राहत होती. पोलिसांनी दिलेल्या माहितीनुसार, ९ मार्च रोजी सकाळी तिने राहत्या घरी गळफास घेतला. आत्महत्येपूर्वी तिने एक सुसाईड नोट लिहून ठेवली होती, ज्यामध्ये तिच्यासोबत राहणाऱ्या रूमपार्टनर्सच्या नावांचा उल्लेख करत मानसिक छळाचा आरोप केला आहे.
advertisement
पायलच्या रूममध्ये राहणाऱ्या सबुरी काळे, शिवानी आजबले आणि दीपाली यांच्या कपाटातून पैसे, पर्स आणि मोबाईल चोरीला गेले होते. हा मोबाईल पायलनेच घेतल्याचा आरोप करत या तरुणींनी तिला मानसिक त्रास देण्यास सुरुवात केली होती. या प्रकरणाची माहिती सर्वांना देऊन तिची बदनामी करण्याची धमकी तरुणी तिला देत होत्या. याच दहशतीपोटी पायलने आपले आयुष्य संपवले. पायलच्या वडिलांनी दिलेल्या फिर्यादीवरून पोलिसांनी तिन्ही तरुणींवर गुन्हा दाखल केला असून पुढील तपास सुरू आहे. मात्र, या घटनेमुळे परिसरात खळबळ उडाली आहे.