TRENDING:
नेमकं काय घडलं?
मिळालेल्या माहितीनुसार, शुक्रवारी सायंकाळी ४ वाजेच्या सुमारास नवीन कात्रज बोगद्याजवळील इंडियन ऑईल पेट्रोल पंपासमोरील डोंगरावर एक महिला संशयास्पद रितीने वावरताना दिसली. ती महिला डोंगराच्या अशा कड्यावर जाऊन उभी राहिली, जिथून खाली पडल्यास मृत्यू अटळ होता. ही बाब काही नागरिकांच्या लक्षात येताच त्यांनी तातडीने पोलीस नियंत्रण कक्षाला माहिती दिली.
advertisement
माहिती मिळताच आंबेगाव पोलीस ठाण्याचे वरिष्ठ पोलीस निरीक्षक शरद झिने यांच्या मार्गदर्शनाखाली पोलिसांचे पथक घटनास्थळी दाखल झाले. परिस्थितीचे गांभीर्य ओळखून पोलिसांनी तातडीने अग्निशमन दल आणि रुग्णवाहिकेला पाचारण केले. महिला अत्यंत टोकाच्या भूमिकेत होती, त्यामुळे तिला पकडण्यासाठी धावपळ करणे धोक्याचे ठरू शकले असते.
पोलिसांनी अतिशय संयमाने दुसऱ्या बाजूने महिलेशी संवाद साधण्यास सुरुवात केली. तिला बोलण्यात गुंतवून तिचे मन वळवण्याचा प्रयत्न केला. "ताई, खाली या, आपण बसून बोलू, सर्व प्रश्न सुटतील," अशा शब्दांत पोलिसांनी तिचे समुपदेशन केले. काही तासांच्या थरारानंतर पोलिसांच्या शब्दावर विश्वास ठेवून ती महिला कड्यावरून सुरक्षित खाली उतरली. पोलिसांनी वेळीच दाखवलेल्या या तत्परतेमुळे एका कुटुंबाचा आधार वाचला असून, पुणे पोलिसांच्या या कामगिरीचे सर्वत्र कौतुक होत आहे.