TRENDING:
शनिवारी सकाळी ६ ते साडेअकरा वाजेपर्यंत हे बदल लागू राहतील. वाहतूक शाखेचे पोलीस उपायुक्त हिंमत जाधव यांनी नागरिकांना पर्यायी मार्गांचा अवलंब करण्याचे आवाहन केले आहे.
वाहतुकीतील प्रमुख बदल आणि पर्यायी मार्ग:
जड वाहनांसाठी मार्ग: सोलापूर रस्त्यावरून स्वारगेटकडे जाणारी जड वाहने भैरोबा नाला चौकातून वानवडी आणि लुल्लानगरमार्गे वळवण्यात आली आहेत.
हलकी वाहने: शहरात किंवा स्वारगेटकडे येणाऱ्या वाहनचालकांनी भैरोबा नाला, एम्प्रेस गार्डन आणि घोरपडी मार्गाचा वापर करावा.
advertisement
पूर्णपणे बंद रस्ते: मम्मादेवी चौक ते गोळीबार चौक दरम्यानची वाहतूक सर्व प्रकारच्या वाहनांसाठी पूर्णपणे बंद असेल. तसेच, सोलापूर बाजार पोलीस चौकी ते गोळीबार मैदान हा रस्ताही बंद राहील.
स्वारगेटकडून हडपसरकडे जाणारी वाहतूक: या मार्गावरील वाहनांनी सात लव्हज (चिमणराव ढोले पाटील) चौकातून गुलटेकडी आणि सॅलिसबरी पार्क मार्गे पुढे जावे.
लष्कर भागातील बदल: सीडीओ चौकातून गोळीबार मैदानाकडे येणारी वाहतूक वळवण्यात आली आहे. वाहनचालकांनी खटाव बंगला चौकातून नेपियर रस्ता किंवा बिशप स्कूल मार्गाचा वापर करावा.
नागरिकांनी प्रवासाचे नियोजन करताना या बदलांची नोंद घ्यावी, जेणेकरून सणाच्या दिवशी होणारी वाहतूक कोंडी टाळता येईल.