TRENDING:
टेकडीच्या उतारावर मृत्यूचं तांडव
मिळालेल्या माहितीनुसार, टेम्पो चालक खुर्शिद आलम हा तळजाई टेकडीवरून पद्मावतीच्या दिशेने जात होता. टेम्पो तीव्र उतारावर असतानाच अचानक त्याचे ब्रेक फेल झाले. चालकाने गाडीवर नियंत्रण मिळवण्याचा आटोकाट प्रयत्न केला, मात्र वेग जास्त असल्याने टेम्पोने समोरून जाणाऱ्या दुचाकींना जोरदार धडक दिली. या धडकेत अजय गायकवाड आणि दत्तू जाधव हे तरुण गंभीर जखमी झाले असून, त्यांना तातडीने जवळच्या खासगी रुग्णालयात दाखल करण्यात आले आहे. सुदैवाने त्यांची प्रकृती आता स्थिर असल्याची माहिती डॉक्टरांनी दिली.
advertisement
अपघाताची माहिती मिळताच सहकारनगर पोलीस ठाण्याचे वरिष्ठ पोलीस निरीक्षक विठ्ठल पवार यांनी तातडीने घटनास्थळी धाव घेतली. या घटनेमुळे तळजाई टेकडीवरील वाहतूक नियोजनाचा प्रश्न पुन्हा एकदा समोर आला आहे. या भागात अवजड वाहनांना बंदी असतानाही टेम्पो आणि इतर वाहने खुशाल वावरत आहेत. टेकडीचा उतार धोकादायक असल्याने येथे वारंवार अपघात होतात, तरीही तेथे ठोस उपाययोजना करण्यात आलेल्या नाहीत. स्थानिक नागरिकांनी या अपघातानंतर संताप व्यक्त केला असून, प्रशासनाने अवजड वाहतुकीवर कडक निर्बंध घालावेत आणि तीव्र उतारावर गतिरोधक किंवा सुरक्षा कठडे बसवावेत, अशी मागणी जोर धरू लागली आहे.