TRENDING:
ही घटना पुण्याच्या राहीजा गार्डन्स परिसरातून पुणे कॅन्टोन्मेंट लष्करी भागाकडे जाणाऱ्या पुलाजवळ घडली. मिळालेल्या प्राथमिक माहितीनुसार, भरधाव वेगात येणाऱ्या टँकरने रस्ता ओलांडत असलेल्या महिलेस जोरदार धडक दिली. या भीषण अपघातात महिलेचा जागीच मृत्यू झाला. अपघातानंतर परिसरात मोठी गर्दी जमली होती. नागरिकांकडून संताप व्यक्त करण्यात आला.
घटनेची माहिती मिळताच पोलिसांनी तत्काळ घटनास्थळी धाव घेतली. महिलेची ओळख पटवण्याचे काम सुरू असून टँकर चालकाला ताब्यात घेण्यात आलं असल्याची प्राथमिक माहिती आहे. विशेष म्हणजे या भागात यापूर्वीही अशाच प्रकारचे अपघात घडले असल्याने स्थानिक नागरिकांनी प्रशासनाकडे वारंवार तक्रारी केल्या आहेत. तरीही ठोस उपाययोजना करण्यात आलेल्या नाहीत, अशी नाराजी नागरिकांकडून व्यक्त होत आहे.
advertisement
स्थानिकांनी या परिसरात वेगमर्यादा नियंत्रण, सिग्नल व्यवस्था आणि वाहतूक पोलिसांची कडक तैनाती करण्याची मागणी केली आहे. पोलिसांनी या प्रकरणी विविध कलमांतर्गत गुन्हा दाखल केला आहे. घटनेचा पुढील तपास केला जात आहे.