TRENDING:
पुण्याच्या सिंहगड रोडवरील एका रहिवाश्याने या संदर्भात आपला अनुभव सांगितला. त्यांनी नऱ्हे या ठिकाणावरून रॅपिडो कॅब बुक केली होती. त्यांचे प्रवासाचे भाडे 145 रुपये असताना चालकाने एसी सुरू करण्यासाठी थेट प्रति किलोमीटर 30 रुपये जादा भाडे मागितले. प्रवाशाने याला नकार दिला असता, चालकाने तक्रारीची भीती न बाळगता एसी बंदच ठेवला. असाच काहीसा प्रकार आणखी एका प्रवाशासोबतही घडला. पुणे रेल्वे स्टेशनला जात असताना चालकाने त्यांना सांगितले की, सकाळी 11 वाजेपूर्वी एसी लावला जात नाही आणि लावायचा असल्यास 25 रुपये प्रति किलोमीटर अतिरिक्त भाडे द्यावे लागतील.
advertisement
सर्व ऑनलाईन कॅब सुविधा पुरवणाऱ्या कंपन्यांना पुणे आरटीओने यापूर्वीच नियमांचे पालन करण्याचे आदेश दिले आहेत. परंतु, अनेक चालकांपर्यंत हे नियम पोहोचलेच नाहीत किंवा ते जाणीवपूर्वक त्याकडे दुर्लक्ष करत आहेत. भारतीय गिग वर्कर्स फ्रंटने यावर चालकांचे समुपदेशन सुरू असल्याचे म्हटले आहे. कॅब चालकांच्या मते, मीटरप्रमाणे मिळणारे भाडे परवडणारे नसल्याने ते अशा मार्गांचा अवलंब करत आहेत. मात्र, यामुळे प्रवाशांची आर्थिक पिळवणूक होत आहे. यासंदर्भात रॅपिडोच्या सूत्रांनी माहिती दिली की, जर प्रीमियम किंवा एसी कॅब असेल, तर प्रवाशाच्या सांगण्यांनुसार एसी सुरू करणे बंधनकारक आहे.