गणपती घरी आले, चुकूनही करू नका या गोष्टी, अन्यथा बाप्पा होईल नाराज

अयोध्या, 19 सप्टेंबर : हिंदू धर्मात, कोणतेही शुभकार्य करण्यापूर्वी, विधीनुसार भगवान गणेशाची पूजा केली जाते. गणपती बाप्पा सर्व विघ्न दूर करतो. हिंदू दिनदर्शिकेनुसार, भाद्रपद महिन्यातील शुक्ल पक्षातील चतुर्थी तिथीला गणेश चतुर्थी हा सण साजरा केला जातो. 10 दिवस हा सण चालतो.

यंदा गणेश चतुर्थी आजपासून म्हणजेच 19 सप्टेंबरपासून सुरू होतेय.

advertisement

आजपासून 28 सप्टेंबरपर्यंत गणेशोत्सव साजरा केला जाणार आहे. धार्मिक मान्यतेनुसार, गणेश चतुर्थीला विधीनुसार गणपती बाप्पाची पूजा केली जाते. लाडक्या गणरायाला विराजमान केल्यावर त्यांच्या आवडत्या वस्तू अर्पण केल्या जातात. अनेकदा लोक हे विसरुन जातात की, गणेशोत्सवात गणपती बाप्पाला काय अर्पण करावे आणि काय अर्पण करुन नये. त्यामुळे आज याबाबतची महत्त्वाची माहिती जाणून घेऊया.

अयोध्येतील प्रसिद्ध ज्योतिषी पंडित कल्की राम यांनी याबाबतची माहिती दिली. गणपती बाप्पाची विधीनुसार पूजा केल्याने भक्तांची सर्व प्रकारचे संकटे दूर होतात. मात्र, ज्योतिष शास्त्रानुसार गणेश चतुर्थीच्या दिवशी गणपतीला काहीही अर्पण करण्यास मनाई असल्याचे सांगितले जाते.

सनातन धर्मात तुळशीचे विशेष महत्त्व आहे. भगवान विष्णूची पूजा करताना तुळशीचा वापर खूप आवश्यक मानला जातो. पण गणपती बाप्पाची पूजा करताना तुळशीची पाने अर्पण करणे वर्जित आहे. यामागे अनेक पौराणिक कथा आहेत. धार्मिक ग्रंथांमध्ये सांगितल्यानुसार, एकदा भगवान गणेश यांनी तुळशीच्या विवाहाचा प्रस्ताव नाकारला होता. यानंतर तुळशीने गणेशजीला दोन विवाहाचा श्राप दिला होता.

कदाचित याच कारणामुळे गणेशाची पूजा करताना तुळशी अर्पण करणे वर्जित मानले गेले आहे. श्री गणेशाची पूजा करताना कधीही तुटलेली अक्षता अर्पण करू नये. कारण, अक्षतचा अर्थच जो पूर्ण आहे, असा होतो. पूजेत वापरला जाणारा संपूर्ण तांदूळ अक्षता मानला जातो.

हे फुलही अर्पित करू नये -

गणेश चतुर्थीच्या वेळी बाप्पाची पूजा करताना चाफ्याची फुले अर्पण करू नये. मान्यतेनुसार भगवान शंकराला चाफ्याची फुले अर्पण केली जात नाहीत. याशिवाय श्रीगणेशाच्या पूजेमध्ये पांढरी फुले, पांढरे वस्त्र, पांढरा पवित्र धागा, पांढरे चंदन इत्यादी अर्पण करू नयेत.

टीप: येथे दिलेली माहिती ज्योतिषशास्त्रानुसार आहे, न्यूज 18 त्याची पुष्टी करत नाही.)