Holi Dahan 2026: आज होळी पौर्णिमा! होळीची पूजा, दहनाचा शुभ मुहूर्त, मंत्र, विधी, धार्मिक महत्त्व पाहा

होळी का पेटवली जाते?

होळीची कथा हिरण्यकश्यप आणि त्याचा मुलगा प्रल्हाद यांच्याशी संबधित सांगितली जाते. हिरण्यकश्यप स्वतःला देव मानत असे, पण प्रल्हाद भगवान विष्णूचा मोठा भक्त होता. रागाच्या भरात हिरण्यकश्यपने आपली बहीण होलिका हिच्या मदतीने प्रल्हादाला अग्नीत जाळायचा प्रयत्न केला. होलिकेला अग्नीपासून न जळण्याचं वरदान होतं, पण ती अधर्माच्या बाजूने असल्याने स्वतः जळून खाक झाली आणि भक्त प्रल्हाद सुखरूप राहिला. याच घटनेची आठवण म्हणून आपण होळी पेटवतो.

advertisement

होळी पेटवणे: 2 मार्च, सोमवार

पौर्णिमा तिथीची सुरुवात – 2 मार्च सोमवार, संध्याकाळी 5 वाजून 55 मिनिटांपासून

पौर्णिमा तिथीची समाप्ती – 3 मार्च मंगळवार, संध्याकाळी 5 वाजून 7 मिनिटांपर्यंत

ज्योतिषांनुसार, होळी आज 2 मार्चला पौर्णिमा तिथी सुरू झाल्यानंतर सायंकाळी पेटवावी.

होळी पेटवण्याचा मुहूर्त 2026 -

काही ज्योतिष तज्ज्ञांच्या मते सायंकाळी भद्रकाळ असल्यानं होळी पेटवणं चांगलं मानलं जातं. त्यामुळे होळी पेटवण्याचा शुभ मुहूर्त 2 मार्चच्या मध्यरात्री 12 वाजून 50 मिनिटांनी सुरू होईल आणि 2 वाजून 27 मिनिटांपर्यंत असेल. पण यावेळात होळी साजरी करणं कोणाला शक्य होणार नाही.

होळी पूजेचं साहित्य -

वाळलेली लाकडे, गव्हाच्या लोंब्या, गोवऱ्यांची माळ (हार), सुकं गवत, फुले, गुलाल, रंग, मूग, गूळ, धूप, हळद, अक्षता, रोळी, जव, हार, तांब्याभर पाणी, बत्तासे, नारळ, कापूर, मिठाई, कच्चा सूत इत्यादी.

गुडन्यूज! होळी दिवशीच शुक्र गोचर; मेष, कर्क सहित 6 राशींची संकटे जळून जाणार

धार्मिक महत्त्व - होळी पेटवणं हे केवळ धार्मिक काम नाही, तर आपल्या संस्कृतीचा एक मोठा भाग आहे. श्रद्धेने केलेली पूजा आयुष्यात पॉझिटिव्ह ऊर्जा घेऊन येते. असं मानलं जातं की होळीच्या अग्नीने आपल्या आयुष्यातील नकारात्मकता जळून खाक होते. सगळ्यांनी मिळून होळी पेटवल्याने समाजात एकोपा आणि प्रेम वाढतं.

होळी पूजेचे मंत्र

ओम होलिकायै नम:

ओम प्रह्लादाय नम:

ओम नृसिंहाय नम:

होळी पूजेची पद्धत 2026 - परिसरातील किंवा घराच्या जवळच्या मोकळ्या जागेत लाकडे आणि गोवऱ्या रचून होळी तयार केली जाते. सगळ्यात आधी उत्तर किंवा पूर्व दिशेला तोंड करून बसावं. मनातल्या मनात भगवान नरसिंह आणि भक्त प्रल्हाद यांचं नाव घ्यावं. त्यानंतर होळीच्या जागी थोडं पाणी अर्पण करावं (पाण्यात थोडं दूध आणि तूप मिसळून घ्या). त्यानंतर अक्षता, फुले आणि बाकी पूजेचं साहित्य वाहावं. गव्हाच्या सात लोंब्या आणि गोवऱ्या अर्पण कराव्यात. कच्च्या सुताने होळीला तीन किंवा सात फेऱ्या (प्रदक्षिणा) माराव्यात. या वेळी कुटुंबासाठी सुख-शांती आणि चांगल्या आरोग्याची प्रार्थना करावी. शेवटी घरातील मोठ्यांच्या पाया पडून आशीर्वाद घ्यावेत.