सकाळी महादेवाच्या पूजेचा मुहूर्त चुकला, तरी घाबरू नका; संध्याकाळी 'या' वेळेत करू शकता पूजा!

संध्याकाळच्या पूजेचा शुभ मुहूर्त

महाशिवरात्रीला संध्याकाळच्या पूजेला 'प्रदोष काळ' पूजा म्हटले जाते. सूर्यास्तानंतरचा काळ महादेवाच्या पूजेसाठी सर्वोत्तम असतो. संध्याकाळी 6:15 ते रात्री 9:00 वाजेपर्यंतचा काळ पूजेसाठी अतिशय शुभ आहे. जर तुम्हाला संध्याकाळीही वेळ मिळाला नाही, तर रात्री 11:55 ते 12:45 या काळात 'निशीथ काळ' पूजा करू शकता. हा काळ साक्षात महादेवाच्या प्रकटीकरणाचा मानला जातो.

advertisement

संध्याकाळच्या पूजेची विधी

संध्याकाळी पूजा करताना पुढील पद्धत अवलंबल्यास सकाळी पूजा न केल्याची कमतरता भरून निघते. संध्याकाळी पूजेपूर्वी पुन्हा एकदा हात-पाय धुवावेत किंवा शक्य असल्यास स्नान करून स्वच्छ वस्त्रे परिधान करावीत. शिवलिंगावर पंचामृत अर्पण करावे आणि त्यानंतर शुद्ध जलाने अभिषेक करावा. महादेवाला 3 बेलपत्रे आणि अखंड अक्षता अर्पण कराव्यात. संध्याकाळी महादेवासमोर गाईच्या तुपाचा दिवा लावल्याने घरातील दारिद्र्य दूर होते.

काय काळजी घ्यावी?

संध्याकाळी पूजा करताना महादेवाला अर्पण केलेले पदार्थ स्वतः खाऊ नका. पूजेत तुळस किंवा हळद वापरू नका. शांत आणि स्थिर चित्ताने केवळ 'ओम नमः शिवाय' या मंत्राचा जप करा.

टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)