कधी आहे पहिले सूर्यग्रहण 2024?
ज्योतिषी मिश्रा यांच्या मते, 2024 सालातील पहिले सूर्यग्रहण फाल्गुन अमावस्या तिथीला सोमवारी, 8 एप्रिल रोजी होणार आहे. फाल्गुन अमावस्या तिथी 08 एप्रिल रोजी सकाळी 03:21 ते रात्री 11:50 पर्यंत आहे. दुसऱ्या दिवसापासून चैत्र नवरात्रीला सुरुवात होणार आहे.
सूर्यग्रहणाचा कालावधी किती आहे?
08 एप्रिल रोजी वर्षातील पहिले सूर्यग्रहण रात्री 09:12 वाजता सुरू होईल आणि सकाळी 1:25 वाजता संपेल. सुतक कालावधी ग्रहणाच्या 12 तास आधी सुरू होईल आणि ते ग्रहण संपल्यानंतर संपेल.
advertisement
अडचणी संपेनात, मार्ग दिसेना? नवग्रह शांतीचा हा एक उपाय करून पहा जीवनात बदल
भारतात सूर्यग्रहण दिसणार नाही?
ज्योतिषशास्त्रानुसार जेव्हा सूर्यग्रहण किंवा चंद्रग्रहण एखाद्या विशिष्ट क्षेत्रामध्ये होते, तेव्हाच त्याचा सुतक कालावधी वैध असतो. आपल्या क्षेत्रात किंवा देशात सूर्यग्रहण होत नसेल तर सुतक कालावधी पाळला जात नाही. 8 एप्रिल रोजी होणारे सूर्यग्रहण भारतात दिसणार नाही, त्यामुळे त्याचा सुतक काळ पाळला जाणार नाही.
वर्षातील पहिले सूर्यग्रहण कुठे दिसणार?
वर्षातील पहिले सूर्यग्रहण अमेरिकेत पूर्णपणे दिसणार आहे. हे सूर्यग्रहण अमेरिकेच्या 13 राज्यांमध्ये पाहता येणार आहे, त्याशिवाय कॅनडा आणि मेक्सिकोमध्येही हे सूर्यग्रहण दिसणार आहे. हे सूर्यग्रहण दक्षिण-पश्चिम युरोप, ऑस्ट्रेलिया, पश्चिम आशिया, दक्षिण अमेरिका, उत्तर अमेरिका, पॅसिफिक महासागर, अटलांटिक महासागर, उत्तर ध्रुव, दक्षिण ध्रुव, इंग्लंड आणि आयर्लंडच्या उत्तर पश्चिम भागात दिसणार आहे.
सूर्यग्रहण काळात काय करावे -
जेव्हा जेव्हा सूर्यग्रहण होते तेव्हा तुम्ही एकाच ठिकाणी स्थिर राहून तुमच्या प्रिय देवतेचे ध्यान करावे. देवतेचे स्मरण किंवा कोणत्याही मंत्राचा जप करू शकता. सूर्यग्रहण संपल्यावर घर स्वच्छ करावे. त्यानंतर आंघोळ करून स्वच्छ कपडे घाला. गहू, गूळ इत्यादींचे दान करावे.
प्रपोज करण्यात पटाईत असतात या जन्मतारखांचे लोक! घरीही बिनधास्त सांगतात
(सूचना : येथे दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)