14 की 15 मार्च, पापमोचनी एकादशी कधी आणि का आहे महत्वाची? आत्ताच नोट करा डेट, पूजा विधी

14 की 15 मार्च, कधी आहे पापमोचनी एकादशी?

हिंदू कॅलेंडरनुसार, या वर्षी म्हणजेच 2026 मध्ये, पापमोचनी एकादशीचे व्रत 15 मार्च 2026, रविवारी पाळले जाईल. पापमोचनी एकादशी फाल्गुन महिन्याच्या कृष्ण पक्षात येते. ही तारीख 14 मार्च 2026 रोजी सकाळी 08:10 वाजता सुरू होईल आणि 15 मार्च 2026 रोजी सकाळी 09:16 वाजता संपेल. उदय तिथीनुसार, हे व्रत 15 मार्च 2026 रोजी पाळले जाईल. तर, उपवास सोडण्याची वेळ 16 मार्च 2026 रोजी सकाळी 06:30 ते सकाळी 08:54 पर्यंत असेल.

advertisement

पापमोचनी एकादशीचे महत्त्व

'पाप' आणि 'मोचनी' या दोन शब्दांपासून हे नाव तयार झाले आहे. नकळत घडलेल्या चुका, मानसिक क्लेश आणि पापांच्या भारातून मुक्त होण्यासाठी हे व्रत केले जाते. ही एकादशी वर्षातील शेवटची एकादशी मानली जाते, त्यामुळे जुन्या वर्षातील नकारात्मकता धुवून काढण्यासाठी हे व्रत अत्यंत महत्त्वाचे आहे. या एकादशीला पापमोचनी असे म्हणतात कारण ती सर्व पापांपासून मुक्त करते असे मानले जाते. ब्रह्मपुराणात त्याचे वर्णन आढळते. या दिवशी भगवान विष्णूची पूजा केल्याने, तुळशी अर्पण केल्याने आणि कथा वाचल्याने इच्छा पूर्ण होतात. उपवास केल्याने मुलांमध्ये आनंद, शिक्षणात यश आणि आर्थिक अडचणी दूर होतात. भूतकाळातील पापांपासून मुक्ती मिळवणाऱ्यांसाठी हे व्रत विशेषतः फायदेशीर आहे.

पूजा विधी आणि नियम

या दिवशी भगवान विष्णूच्या 'चतुर्भुज' रूपाची पूजा केली जाते. सकाळी लवकर उठून स्नान करावे आणि पिवळे वस्त्र परिधान करून व्रताचा संकल्प करावा. श्रीविष्णूच्या मूर्तीला पंचामृताने स्नान घालावे. तुळशीपत्र, पिवळी फुले आणि फळे अर्पण करावीत. शुद्ध तुपाचा दिवा लावून 'विष्णू सहस्त्रनामा'चे पठण करावे. या दिवशी निराहार किंवा फलाहार करावा. एकादशीला भात खाणे वर्ज्य आहे, हे लक्षात ठेवावे. रात्री विठ्ठलाच्या किंवा विष्णूच्या नामात जागरण करणे अत्यंत शुभ मानले जाते.

टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)