वर्षातील पहिलं सूर्यग्रहण किती वाजता, मुंबईत दिसणार का? 'रिंग ऑफ फायर'चा थरार केवळ 'इतक्याच' मिनिटांचा

सूर्यग्रहणाची अचूक वेळ

टप्पावेळ ग्रहणाची सुरुवात दुपारी 3 वाजून 26 मिनिटांनी होईल तर, ग्रहणाचा मध्य संध्याकाळी 5 वाजून 42 मिनिटांनी होईल ग्रहणाची समाप्ती संध्याकाळी 7 वाजून 57 मिनिटांनी होईल. हे ग्रहण सुमारे 4 तास 31 मिनिटे चालणार आहे. मात्र, 'रिंग ऑफ फायर'चा मुख्य थरार केवळ 2 मिनिटे 20 सेकंदांचा असेल.

advertisement

शहरानुसार सूर्यग्रहणाची वेळ

जरी हे ग्रहण भारतीय वेळेनुसार दुपारी सुरू होणार असले, तरी सर्वात महत्त्वाची गोष्ट म्हणजे हे सूर्यग्रहण भारतातून दिसणार नाही. हे प्रामुख्याने अंटार्क्टिका, दक्षिण आफ्रिका, दक्षिण अमेरिका आणि हिंदी महासागराच्या काही भागांत दिसणार आहे. भारतातून हे दृश्यमान नसल्यामुळे, दिल्ली, मुंबई, पुणे किंवा नागपूर यांसारख्या शहरांमध्ये याच्या वेळेचा थेट प्रभाव दिसणार नाही.

सूर्यग्रहणाचे महत्वाचे मुद्दे

हे सूर्यग्रहण भारतात दिसणार नाही. हे ग्रहण भारताच्या क्षितिजावर दिसणार नसल्यामुळे भारतीयांना हे प्रत्यक्ष पाहता येणार नाही. शास्त्रानुसार, जिथे ग्रहण दिसत नाही, तिथे सूतक काळ पाळला जात नाही. त्यामुळे भारतात आज मंदिरे उघडी राहतील आणि दैनंदिन कामांवर कोणतेही निर्बंध नसतील. या ग्रहणावेळी चंद्र सूर्याचा 96% भाग झाकून टाकेल, ज्यामुळे आकाशात सोन्याच्या अंगठीसारखे दृश्य दिसेल. आज माघ अमावस्या आणि सूर्यग्रहणाचा दुर्मिळ योग आला आहे. भारतात ग्रहण दिसत नसल्याने अमावस्येचे तर्पण आणि धार्मिक विधी नेहमीप्रमाणे करता येतील. हे ग्रहण दक्षिण आफ्रिका, अर्जेंटिना, चिली आणि विशेषतः अंटार्क्टिका खंडात स्पष्टपणे दिसेल. जर तुम्हाला हे ग्रहण पाहायचे असेल, तर तुम्ही अधिकृत यूट्यूब चॅनेल्सवर याचे थेट प्रक्षेपण पाहू शकता.

टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)