TRENDING:
घरातील नकारात्मक ऊर्जा
वास्तुशास्त्रानुसार, जर घरात नकारात्मक ऊर्जा किंवा वास्तुदोष असेल, तर त्याचा पहिला परिणाम तुळशीवर होतो. तुळस ही घरातील नकारात्मकता स्वतःमध्ये शोषून घेते, ज्यामुळे ती सुकायला लागते.
बुध ग्रहाचा प्रभाव
ज्योतिषशास्त्रानुसार, तुळशीचा संबंध 'बुध' ग्रहाशी आहे. बुध हा बुद्धी आणि संपत्तीचा कारक आहे. जर तुमची तुळस सुकत असेल, तर याचा अर्थ तुमचा बुध ग्रह कमकुवत होत आहे, ज्यामुळे आर्थिक नुकसान किंवा व्यवसायात तोटा होऊ शकतो.
advertisement
वारंवार तुळस सुकू नये म्हणून करा 'हे' उपाय
दिवा आणि आरती: तुळशीच्या जवळ दररोज संध्याकाळी शुद्ध तुपाचा किंवा मोहरीच्या तेलाचा दिवा लावावा. असे केल्याने घरातील नकारात्मकता दूर होते आणि तुळस बहरते. दिवा लावताना "शुभं करोति कल्याणं…" हा मंत्र म्हणावा.
काचेचे भांडे किंवा घाणेरडे पाणी टाळा: तुळशीला चुकूनही खरकटे किंवा अस्वच्छ पाणी घालू नका. तसेच तुळशीच्या कुंडीत काचेचे तुकडे किंवा लोखंडी वस्तू नसाव्यात. यामुळे तुळशीचे पावित्र्य भंग पावते आणि ती सुकते.
मंजिरी काढून टाका: तुळशीवर 'मंजिरी' जास्त प्रमाणात येणे हे झाडासाठी भार मानले जाते. शास्त्रानुसार, मंजिरीमुळे तुळशीला कष्ट होतात. त्यामुळे वेळोवेळी मंजिरी काढून देवाच्या चरणी अर्पण कराव्यात, ज्यामुळे तुळस पुन्हा हिरवीगार होते.
चुकीची दिशा टाळा: तुळस कधीही दक्षिण दिशेला ठेवू नये. ही दिशा यमराजाची मानली जाते. तुळशीसाठी उत्तर किंवा ईशान्य दिशा सर्वात शुभ आहे. योग्य दिशेला ठेवलेली तुळस घरामध्ये धनाचे आगमन वाढवते.
काळा रंग आणि अस्वच्छता: तुळशीच्या आजूबाजूला काळे कपडे सुकवू नका किंवा तिथे कचरा जमा होऊ देऊ नका. तुळशीच्या कुंडीला कधीही काळा रंग देऊ नका, कारण हा रंग ऊर्जेला अडथळा निर्माण करतो.
पितृदोषाचे निवारण: वारंवार तुळस सुकणे हे पितृदोषाचे लक्षणही मानले जाते. अशा वेळी अमावस्येला पितरांच्या नावाने दानधर्म करावा आणि तुळशीला गुरुवारी कच्चे दूध अर्पण करावे. यामुळे पितरांचा आशीर्वाद मिळतो आणि तुळस मरत नाही.
टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)