क्रिकेट खेळता खेळता जमिनीवर कोसळला, काही क्षणात 22 वर्षांच्या खेळाडूचा मृत्यू, नेमकं काय घडलं?

खरं तर क्रिकेट खेळता खेळता हार्ट अटॅक येऊन क्रिकेटपटूंच्या मृत्यूच्या झाल्याच्या अनेक घटना घडल्या आहेत. अशीच एक घटना आता समोर आली आहे. या घटनेत देखील 22 वर्षीय खेळाडू हा मैदानात क्रिकेट खेळत होता. भरं उन्हात क्रिकेट खेळत असताना तो मैदानात कोसळला. या दरम्यान त्याचा हार्टअटॅक येऊन मृत्यू झाला होता. शाकिब असे या 22 वर्षीय खेळाडूचं नाव होतं. ही घटना उत्तर प्रदेशच्या बरेली जिल्ह्यातील हरहरपुर मटकली गावात घडली आहे.

advertisement

शाकिब हा दिल्लीत राहून बीएससीचा अभ्यास करायचा. पण रमजान ईद सणासाठी तो सात दिवसआधीच तो आपल्या घरी आला होता. पोलिसांनी दिलेल्या माहितीनुसार, शुक्रवारी दुपारी 12 वाजता शाकीब आपल्या मित्रांसोबत गावात क्रिकेट खेळत होता. यावेळी क्रिकेट खेळता खेळता तो अचानक जमिनीवर कोसळला होता. या दरम्यान त्याला दम लागला होता.त्यानंतर शाकीबची अशी अवस्था पाहून त्याला लगेचच रुग्णालयात दाखल करण्यात आलं होतं.पण डॉक्टरांनी त्याला मृत घोषित केलं होतं.

दरम्यान या घटनेने शाकिबच्या कुटुंबियांवर दु:खाचा डोंगर कोसळला आहे आणि परिसरात शोककळा पसरली आहे.