TRENDING:
ईएसपीएनक्रिकइन्फोच्या वृत्तानुसार, गुडाकेश मोती टी-20 वर्ल्ड कपनंतर भारतातून वेस्ट इंडिजमध्ये परतला, यानंतर त्याने पाकिस्तान सुपर लीगमधून माघार घ्यायचा निर्णय घेतला आहे. गुडाकेश मोतीला लाहोर कलंदर्सने करारबद्ध केलं होतं.
गुडाकेश मोतीने पीएसएलमधून माघार घेतल्यानंतर तो आयपीएलमध्ये लखनऊ सुपरजाएंट्सकडून खेळेल, असं बोललं जात आहे. श्रीलंकेचा स्पिनर वानिंदू हसरंगाची जागा गुडाकेश मोती घेऊ शकतो. टी-20 वर्ल्ड कपमध्ये हसरंगाला दुखापत झाली होती. 2026 च्या आयपीएलमध्ये लखनऊने हसरंगाला 2 कोटी रुपये देऊन विकत घेतलं होतं. हसरंगाची जागा मोती घेणार का नाही? याबाबत अधिकृत माहिती मिळालेली नाही.
मोतीची आंतरराष्ट्रीय कारकिर्द
गुडाकेश मोती हा वेस्ट इंडिजकडून तिन्ही फॉरमॅट खेळला आहे. मोतीने आतापर्यंत 11 टेस्ट, 34 वनडे आणि 51 टी-20 आंतरराष्ट्रीय मॅच खेळल्या आहेत. टेस्टमध्ये मोतीच्या नावावर 35 विकेट आहेत, याशिवाय त्याने 265 रन केल्या आहेत. तर वनडेमध्ये त्याने 42 विकेट घेऊन 357 रन आणि टी-20 आंतरराष्ट्रीय मध्ये 7.91 च्या इकोनॉमी रेटने 49 विकेट घेतल्या आणि 205 रन केल्या आहेत.