IND vs NZ Final : न्यूझीलंडचा प्लेअर भारतीय खेळाडूवर धावून आला, मॅचमध्ये राडा, VIDEO समोर

भारताने पहिली बॅटिंग करत 255 धावांचा डोंगर उभा केला. आता २५५ धावांचा पाठलाग करण्यासाठी न्यूझीलंडची टीम मैदानात उतरली खरी पण पण भारतीय बॉलरच्या भेदक माऱ्यापुढे टिकली नाही.   न्यूझीलंडकडून टीम सायफर्ट आणि फिन अॅलेन यांनी झुंज दिली खरी पण फायदा झाला नाही. त्यातच अर्शदीप सिंग आणि डेरी मिचेलमध्ये मैदानात राडा झाला.

advertisement

न्यूझीलंडचे पाच विकेट पडल्यानंतर डेरी मिचेल अजूनही मैदानात होता. कारण हा खेळाडू अनेकदा टीम इंडियाच्या विजयाच्या आड आला आहे. ११ ओव्हर अर्शदीप टाकत होता. चौथा बॉल टाकला, पण डेरी मिचेलने समोर टोलावला. अर्शदीपने बॉल पकडला आणि थेट डेरी मिचेलला आऊट करण्यासाठी फेकला. पण हा बॉल थेट मिचेलच्या मांडीवर लागला.

त्यामुळे मिचेल चांगलाच भडकलाा. तो अर्शदीपच्या अंगावर धावून गेला पण अम्पायरने मिचेलला थांबवलं, त्याची समजूत काढली. तिकडे सुर्याकुमरही पळत आला. त्याने मिचेलची समजूत काढली. अम्पायरने अर्शदीपलाही समजावून सांगितलं. काही मिनिटांचा हा वाद खेळाडू वृत्तीने लगेच सुटला. पण, हा सगळा प्रकार आता व्हायरल झाला आहे. पुढे अक्षर पटेल याने मिचेलला आऊट केलं आणि भारतावरच प्रेशर लगेच कमी झालं.

भारताकडून  बुमराहने भेदक मारा करत ३ विकेट मिळवल्या आणि विजयाचा मार्ग मोकळाा करून दिला. संपूर्ण  न्यूझीलंड टीम 159 धावांवर ऑल आऊट झाली. भारताने हा सामना 96 रन्सने जिंकला,