TRENDING:
धोनीने भारताच्या या विजयानंतर इंन्स्टाग्रामवर एक स्टोरी शेअर केली होती.या स्टोरीच्या कॅप्शनमध्ये टीम इंडियाच्या कामगिरीच कौतुक करताना एम एस धोनीने गौतम गंभीरच कौतुक केलं होतं. कोच साहब तुमच्या चेहऱ्यावर हास्य खुप छान दिसतं आहे. गंभीरची मैदानातील जिंकण्याची इच्छाशक्ती आणि हे हास्य म्हणजे एक 'किलर कॉम्बो' असल्याचं धोनीने मिश्किलपणे म्हटलं आहे.त्यामुळे धोनीच्या या कमेंटने सगळ्यांचे लक्ष वेधले होते.
advertisement
धोनीच्या याच स्टोरीवर टीम इंडियाचा कोच गौतम गंभीर देखील रिअॅक्ट झाला होता. हसण्यामागचे हे कारण आहे, आणि तुला पाहून छान वाटलं,असे गौतम गंभीर धोनीच्या कमेंटवर म्हणाला होता.
दरम्यान आता बीसीसीआयच्या नमन पुरस्कार सोहळ्यानंतर गौतम गंभीरने एक मुलाखत दिली होती.या मुलाखतीत गौतम गंभीरने एमएस धोनीसमोर मैत्रीचा हात पुढे केला आहे. या मुलाखतीत धोनीच्या प्रश्नावर बोलताना गंभीर म्हणाला, खरं तर खुप चांगली गोष्ट झाली तो (धोनी) आला आणि त्याने वर्ल्ड कप पाहिला.आणि खूप भारी गोष्ट होती तो म्हणजे त्याने मला हसायला सांगितले.आता एके दिवशी धोनी माझ्या जागी असेल आणि मीही तेच लिहू शकेन. आणि तो डगआउटमधून हसू शकतो,असे गौतम गंभीर म्हणाला आहे.
एकंदरीत गंभीरचे हे विधान पाहता आता त्याने धोनीसोबतच मागचे रुसवे फुगवे बाजुला सारून मैत्रीचा हात पुढे केलेला दिसतो.त्यामुळे त्याने धोनी पुढे टीम इंडियाचा कोच होऊन शकतो अशाप्रकारचे विधान केले होते. हे विधान पाहता आता गंभीरने धोनीसमोर मैत्रीचा हात पुढे केला आहे, त्यामुळे आता धोनी याला काही प्रतिसाद देतो, हे पाहणे महत्वाचे ठरणार आहे.