TRENDING:
आमच्यासाठी हा मोठा धक्का - सीएसके सीईओ
टीमचा स्टार वेगवान बॉलर नेथन एलिस संपूर्ण आयपीएल सीजनमधून बाहेर झाल्याची खळबळजनक बातमी समोर येत आहे. सीएसकेचे सीईओ काशी विश्वनाथन यांच्या वक्तव्याला या वृत्ताला दुजोरा मिळाला असून, ऋतुराज गायकवाडच्या अडचणी वाढल्या आहेत. "आमच्यासाठी हा खूप मोठा धक्का आहे. एलिस हा एक अत्यंत महत्त्वाचा बॉलर आहे, विशेषतः डेथ ओव्हर्समध्ये त्याची उणीव भासेल. आम्ही आता त्याच्या रिप्लेसमेंटचा शोध घेत आहोत", असं सीएसकेच्या सीईओ यांनी म्हटलं आहे.
advertisement
दोन परदेशी पर्याय उपलब्ध
चेन्नईकडे सध्या मॅट हेन्री आणि जेमी ओव्हरटन यांसारखे परदेशी पर्याय उपलब्ध आहेत, तरीही एलिसची जागा भरून काढणं आव्हानात्मक असेल. लिलावात टीमने त्याच्यावर दाखवलेला विश्वास आणि त्याची विकेट घेण्याची क्षमता पाहता, कॅप्टन ऋतुराज गायकवाडला आता बॉलिंग कॉम्बिनेशनमध्ये मोठे बदल करावे लागणार आहेत. मागील हंगामात चेन्नईकडे पथिराणा होता. मात्र, आता त्याला रिलीज तेल्यानंतर मॅट हेन्री आणि जेमी ओव्हरटन यांच्यावर मोठी जबाबदारी असणार आहे.
चेन्नई सुपर किंग्जचा संपूर्ण स्कॉड -
महेंद्रसिंह धोनी, ऋतुराज गायकवाड (कॅप्टन), संजू सॅमसन, आयुष म्हात्रे, डेवाल्ड ब्रेविस, शिवम दुबे, उर्विल पटेल, नूर अहमद, नाथन एलिस (बाहेर), श्रेयस गोपाल, खलील अहमद, रामकृष्ण घोष, मुकेश चौधरी, जेमी ओवर्टन, गुरजापनीत सिंह, अंशुल कंबोज, अकील होसेन, प्रशांत वीर, कार्तिक शर्मा, मॅथ्यू शॉर्ट, अमन खान, सरफराज खान, मॅट हेनरी, राहुल चाहर आणि जैक फॉल्क्स.