TRENDING:
पंजाब किंग्सच्या युझवेंद्र चहलने जॉस बटलरची विकेट घेतली. 16व्या ओव्हरमध्ये बटलरने चहलच्या बॉलिंगवर सिक्स मारण्यासाठी मोठा शॉट खेळला, यासाठी तो पुढे आला आणि बॉल लॉन्ग ऑनच्या वरून मारण्याचा प्रयत्नही केला, पण झेवियर बार्टलेटने हवेमध्ये उडी मारून उत्कृष्ट कॅच पकडला. बार्टलेटची उंची 6 फूट 2 इंच आहे, त्यामुळे हा कॅच पकडताना त्याला उंचीचा फायदाही झाला.
advertisement
बटलर तिसऱ्यांदा चहलची शिकार
आऊट झाल्यानंतर जॉस बटलरने त्याची बॅट हवेत उडवली. बार्टलेटने कॅच पकडल्यावर बटलरच्या चेहऱ्यावर निराशा स्पष्टपणे दिसत होती. बटलरने त्याच्या या इनिंगमध्ये 3 फोर आणि 2 सिक्स मारल्या. टी-20 क्रिकेटमध्ये चहलने बटलरला तिसऱ्यांदा आऊट केलं आहे. बटलरने चहलविरुद्ध 10 इनिंगमध्ये 73 बॉल खेळून 90 रन केल्या आहेत. नोव्हेंबर महिन्यानंतर युझवेंद्र चहलची ही पहिली मॅच होती, त्याने 4 ओव्हरमध्ये फक्त 28 रन दिल्या.
गुजरातची बॅटिंग गडगडली
या सामन्यात पंजाब किंग्सचा कर्णधार श्रेयस अय्यरने टॉस जिंकून पहिले बॉलिंगचा निर्णय घेतला यानंतर गुजरातला 20 ओव्हरमध्ये 6 विकेट गमावून 162 रन करता आल्या. गुजरातचा कर्णधार शुभमन गिलने सर्वाधिक 39 रनची खेळी केली. पंजाब किंग्सकडून विजय कुमार वैश्यक याने 3 आणि युझवेंद्र चहलने 2 विकेट घेतल्या.