TRENDING:
खामोनी यांच्यासह त्यांच्या कुटुंबातील अनेक सदस्य, संरक्षण मंत्री नासिरजादेह, इराणी सशस्त्र दलांचे प्रमुख मेजर जनलर अब्दुलरहीम मौसावी, आयआरजीसी कमांडर-इन-चीफ मोहम्मद पाकपौर, वरिष्ठ सुरक्षा सल्लागार अली शामखानी, लष्करी गुप्तचर प्रमुख सलाह असादी आणि सर्वोच्च नेत्याच्या लष्करी ब्युरोचे प्रमुख मोहम्मद शिराजी हे जवळजवळ 30 तासांच्या अमेरिकन आणि इस्रायली हवाई हल्ल्यात मारले गेले आहेत.
advertisement
इराणवरच्या या हल्ल्यांमुळे आखाती देशांमधील हवाई क्षेत्र बंद झालं आहे. एमिरेट्स आणि एअर इंडियासह अनेक विमानांच्या उड्डाणांना अडथळे निर्माण झाले आहेत. एअर इंडियाने आखाती देशांमधील सर्व उडाणं रद्द केली आहे, ज्यात प्रामुख्याने अबू धाबी, दम्माम, दोहा, दुबई, जेद्दाह, मस्कत, रियाध आणि तेल अवीव यांचा समावेश आहे. अमेरिका, इस्रायल आणि इराणवर झालेल्या क्षेपणास्त्र हल्ल्यांनंतर हवाई क्षेत्र बंद झाल्यामुळे दुबई विमानतळाने सर्व ऑपरेशन्स अनिश्चित काळासाठी स्थगित केली आहेत.
भारतीय क्रिकेटपटू अडकला
विमान उड्डाणं रद्द झाल्यामुळे आखाती देशांमध्ये भारतीय नागरिकही अडकले आहेत. भारताचे माजी क्रिकेटपटू फारुख इंजिनियरदेखील सध्या दुबईमध्ये आहेत, पण विमानसेवा बंद झाल्यामुळे इंजिनियर दुबईमध्येच आहेत, अशी माहिती शिवसेनेचे प्रवक्ते कृष्णा हेगडे यांनी दिली आहे.
पी.व्ही.सिंधूही अडकली
दरम्यान भारताला दोन वेळा ऑलिम्पिक मेडल जिंकवून देणारी पी.व्ही.सिंधू देखील दुबईमध्ये अडकली आहे. दुबईमधली परिस्थिती भीतीदायक आहे, आम्ही ज्या हॉटेलमध्ये थांबलो आहे, तिथे आम्हाला स्फोटांचे आवाज ऐकू आले, असं सिंधू म्हणाली आहे. 3 तारखेपासून सिंधू ऑल इंग्लंड ओपन बॅडमिंटन चॅम्पियनशीपमध्ये खेळणार आहे, पण ती सध्या कोचसोबत दुबईमध्ये अडकली आहे.