Sikandar Shaikh VIDEO : तिसऱ्या फेरीत सिकंदर शेखने आस्मान दाखवलं, गडचिरोलीच्या पैलवानाला 2 मिनिट 15 सेकंदात लोळवलं

खरं तर आज माती विभागाच्या तिसऱ्या फेरीत हिंगोलीचा सिकंदर शेख आणि गडचिरोलीच्या विक्रमसिंह भोसले यांच्यात लढत पार पडली होती. या लढतीत सिकंदर शेखने विक्रमसिंह भोसले याला 2 मिनिट 15 सेकंदात धुळ चारली होती. या सामन्याच्या सुरुवातीपासून सिकंदर शेख आक्रामकपणे खेळत होता.त्यानंतर सामन्याला 30 सेकंद पार पडताच सिकंदर शेखने डाव टाकला पण तो फार यशस्वी ठरला नाही.पण विक्रमसिंह सिकंदरला पछाडत दोन गुण मिळवले.

advertisement

विक्रमसिंहने पहिल्यांदा एक दोन गुण मिळवलेले पाहून सगळेच आश्चर्यचकीत झाले.त्यानंतर सिकंदर शेखने डाव टाकत एकाच झटक्यात 10 गुण मिळवले. विशेष म्हणजे मॅचच्या पहिल्याच मिनिटाला सिकंदरचे गुण 10 झाले होते.त्यामुळे जवळपास ही मॅच सिकंदर शेखने जिंकली होती.

पण विक्रमसिंहने हार मानली नाही तो झूंज देत राहिला. जवळपास एक मिनिटं त्याने सिकंदरला गुणच घेऊ दिला. त्यानंतर पुन्हा सिकंदरने दोन गुण पटकावले आणि अशाप्रकारे त्याचे गुण12 झाले होते. आता जर कुस्तीमध्ये दोन पैलवानाच्या गुणांमधला फरक हा 10 झाला तर तांत्रिक विजय (टेक्निकल सुपेरेयारीटी) मानली जाते. त्यामुळे सिंकदर शेखला विजयी घोषीत करण्यात आले. विशेष म्हणजे ज्यावेळेस सिकंदर विजयी झाला होता त्यावेळेस फक्त 2.15 मिनिटात खेळ झाला होता.त्यामुळे सिकंदर शेखने 2 मिनिट 15 सेकंदात हा सामना जिंकला होता.

तिसऱ्या फेरीत सिकंदर शेखने गडचिरोलीच्या विक्रमसिंह भोसले याचा 12-2 इतक्या मोठ्या फरकाने पराभव केला होता. तसेच हा सामना जिंकुन सिकंदर शेखने पुढच्या फेरीत धडक मारली आहे.