IND vs NZ Final : 254 वर्षात असं कधीच झालं नाही! टी-20 वर्ल्ड कप फायनलपूर्वी न्यूझीलंडच्या बॉलरने रचला इतिहास

5 बॉलवर सलग 5 विकेट

फर्स्ट क्लास क्रिकेटच्या 254 वर्षांच्या इतिहासात 5 बॉलवर सलग 5 विकेट घेणारा ब्रेट रैंडेल हा जगातील पहिला बॉलर ठरला आहे. ब्रेट रैंडेलने हा ऐतिहासिक पराक्रम 'सेंट्रल डिस्ट्रिक्ट्स' कडून खेळताना रविवारी नेपियरमध्ये केला. प्लंकेट शील्ड मॅचच्या दुसऱ्या दिवशी 'नॉर्दर्न डिस्ट्रिक्ट्स' विरुद्ध बॉलिंग करताना त्याने प्रतिस्पर्धी टीमचे कंबरडे मोडले. रैंडेलने या स्पेलमध्ये केवळ 25 रन्स देऊन 7 विकेट घेतल्या.

advertisement

संघ अवघ्या 82 रन्सवर ऑल आऊट

ब्रेट रैंडेल याच्या या भेदक माऱ्यामुळे नॉर्दर्न डिस्ट्रिक्ट्सचा संपूर्ण संघ अवघ्या 82 रन्सवर ऑल आऊट झाला. फर्स्ट क्लास क्रिकेटमध्ये 5 बॉलवर 5 विकेट घेणारा तो पहिला खेळाडू असला, तरी यापूर्वी इतर फॉरमॅटमध्ये अशा कामगिरीची नोंद झाली आहे. मात्र, आयसीसीच्या नियमानंतर आता 254 वर्षानंतर इतिहास रचला गेला आहे.

डोमेस्टिक टी-20 मॅचमध्ये पराक्रम

दरम्यान, आयर्लंडच्या कर्टिस कॅम्फरने गेल्या वर्षी एका डोमेस्टिक टी-20 मॅचमध्ये असा पराक्रम केला होता. तसेच झिम्बाब्वेच्या केलिस नधलोवूने 2024 मध्ये अंडर-19 डोमेस्टिक टी-20 मॅचमध्ये 5 बॉलवर 5 विकेट घेतल्या होत्या. मात्र, रेड बॉल क्रिकेटमध्ये (फर्स्ट क्लास) असा पराक्रम करणारा रैंडेल हा एकमेव आहे.