TRENDING:
नेमकं काय घडलं?
सदर घटना मॅचच्या शेवटच्या ओव्हरमध्ये घडली. कराचीला विजयासाठी 14 रन्सची गरज होती. हॅरिस रौफ बॉलिंगसाठी येत असताना कॅप्टन शाहीन शाह आफ्रिदी, फखर जमान आणि रौफ हे तिघंही एका ठिकाणी जमा झाले. सर्वांनी घोळका केला. त्याचवेळी बॉल फखर जमानच्या हाती होता. बॉल हाताळत चर्चा करत होते. त्यावेळी फखरने मुद्दामहून बॉलसोबत छेडछाड केली. पण अंपायरच्या नरजेतून ही गोष्ट वाचली नाही.
advertisement
फखर जमान विरुद्ध शिस्तभंगाची कारवाई
अंपायर फैसल आफ्रिदी यांनी बॉल तपासून तो जाणीवपूर्वक खराब केल्याचा निर्णय दिला. यामुळे कराचीला पाच धावांची पेन्ल्टी लावण्यात आली. कराचीला केवळ 6 बॉलमध्ये 9 रन्सचे सोपं समीकरण मिळालं. कराची किंग्सच्या अब्बास आफ्रिदीने शेवटच्या ओव्हरमध्ये एक फोर आणि एक सिक्स मारून 19.3 ओव्हरमध्येच विजय मिळवला. या प्रकरणाची गांभीर्याने दखल घेत पाकिस्तान क्रिकेट बोर्डाने (PCB) फखर जमान विरुद्ध शिस्तभंगाची कारवाई केली आहे. मात्र, या घटनेने सर्वजण हादरले आहेत.
अंपायरच्या निर्णयामुळे शाहीन आफ्रिदी नाराज
दरम्यान, अंपायरच्या निर्णयामुळे शाहीन आफ्रिदी स्पष्टपणे नाराज झाला होता. पोस्ट मॅच प्रेझेन्टेशनमध्ये, शाहीनने सांगितलं की पेनल्टीचे कारण त्याला समजू शकलं नाही. त्याचबरोबर पाकिस्तान क्रिकेट बोर्डाने (PCB) या प्रकरणी कोणतेही निवेदन जारी केलं नाही. त्यामुळे आता पीसीबी या गंभीर प्रकरणावर कोणता निर्णय घेणार? हे पाहणं महत्त्वाचं ठरणार आहे.