TRENDING:
शेवटच्या ओव्हरमध्ये श्रीचरणी बॉलिंगला आली अन्...
आरसीबीला विजयासाठी शेवटच्या ओव्हरमध्ये 10 रन्सची गरज असताना दिल्लीकडून श्रीचरणी बॉलिंगला आली. पहिल्या दोन बॉल्सवर प्रत्येकी एक धाव आली, त्यानंतर तिसऱ्या बॉलवर राधाने शानदार फोर मारला. आता विजयासाठी 3 बॉल्समध्ये 4 रन्स हवे असताना राधाने एक्स्ट्रा कव्हरच्या वरून शॉट खेळला आणि बॉल बाउंड्रीच्या बाहेर गेला, पण त्याच वेळी स्टंपची बेल्स खाली पडली.
advertisement
राधा यादव हिट विकेट झाली?
राधा यादव हिट विकेट झाली असे वाटल्याने मैदानात गोंधळ उडाला, पण आरसीबीच्या खेळाडूंनी सेलिब्रेशन सुरू केलं होतं. डगआउटमध्ये असलेल्या कॅप्टन स्मृती मंधानाने देखील नेमकं काय झालं, असा प्रश्न हाताने खूण करून विचारला. अखेर रिप्लेमध्ये स्पष्ट झालं की, राधाचा पाय स्टंपला लागला नव्हता, तर दिल्लीची विकेटकीपर लिजेल ली हिचे ग्लव्हज लागल्यामुळे बेल्स खाली पडली होती.
दुसऱ्यांदा WPL ट्रॉफी जिंकली
दरम्यान रिप्लेनंतर पंचांनी तो फोर कायम ठेवला आणि आरसीबीने सेलिब्रेशन सुरू केलं. दुसऱ्यांदा WPL ट्रॉफी जिंकून इतिहास घडवला. या ऐतिहासिक विजयात कॅप्टन स्मृती मंधाना हिने 87 रन्सची वादळी खेळी करून पाया रचला होता. दिल्ली कॅपिटल्ससाठी हा पराभव धक्कादायक ठरला, कारण सलग चौथ्यांदा फायनलमध्ये पोहोचूनही त्यांना विजेतेपदाने हुलकावणी दिली आहे.