TRENDING:
रितिका सजदेह रोहितला काय म्हणाली?
वर्ल्ड कप विजयाच्या जल्लोषात रोहित शर्मा आणि त्याची पत्नी रितिका सजदेह यांचा एक व्हिडिओ सध्या सोशल मीडियावर तुफान व्हायरल होत असून, नेटकऱ्यांमध्ये याची मोठी चर्चा रंगली आहे. या व्हिडिओमध्ये रितिका रोहितसोबत काहीतरी बोलताना दिसत असून, तिचा अंदाज पाहून दोघांमध्ये काहीतरी बिनसलंय का, असा प्रश्न चाहत्यांना पडला आहे. विशेषतः रितिका ज्या तीव्रतेने बोलत आहे, ते पाहून दोघांमध्ये काहीतरी बिनसलंय, अशी चर्चा होताना दिसतीये.
advertisement
चेहऱ्यावरचे हावभाव अन् भांडणं
विजयाचा आनंद साजरा होत असतानाच समोर आलेल्या या व्हिडिओमध्ये रितिका काहीतरी जोरात सांगताना दिसत आहे, तर रोहित त्यावर शांतपणे प्रतिसाद देताना पाहायला मिळतोय. मैदानातील प्रचंड गोंधळ आणि 2026 च्या या ऐतिहासिक विजयाचा जल्लोषामुळे रितिकाचा आवाज कॅमेऱ्यात स्पष्ट ऐकू येत नाहीये. मात्र, तिच्या चेहऱ्यावरील हावभाव पाहून लोकांनी तर्कवितर्क लढवायला सुरुवात केली आहे.
खरोखरचा वाद होता का?
दरम्यान, या व्हिडिओच्या शेवटी रितिका पुन्हा हसताना देखील दिसत आहे. त्यामुळे हा खरोखरचा वाद होता की मैदानातील आवाजामुळे ती फक्त मोठ्या आवाजात रोहितशी संवाद साधत होती, याबाबत अनेक तर्कवितर्क लावले जात आहेत.