TRENDING:
श्रेयसच्या हाताला बॉल लागला अन्...
झालं असं की, 163 धावांचं आव्हान पंजाब किंग्ज चेस करत होती. त्याचवेळी दोन विकेट गेल्यानंतर खुद्द कॅप्टन श्रेयस अय्यर मैदानात आला. श्रेयस अय्यरने आक्रमक सुरूवात केल्याने गुजरातमध्ये भीतीचं वातावरण होतं. त्याचवेळी कूपर कॉनोलीकडून एक चूक झाली. कूपर कॉनोलीने बॉल थेट श्रेयसच्या अंगावर मारला. आधीच दुखापतीतून सावरलेल्या श्रेयस अय्यरने बचाव करण्याचा प्रयत्न केला. पण त्यावेळी त्याच्या हाताला बॉल लागला. हाताला बॉल लागल्यानंतर तो वेदनेने व्हिवळत होता.
advertisement
सर्व काही व्यवस्थित होईल - श्रेयस अय्यर
हाताला लागल्यानंतर देखील श्रेयसने हार मानली नाही. तो बॅटिंग करतच राहिला. पण पुढच्याच ओव्हरमध्ये त्याची विकेट गेली. मॅच पंजाब किंग्जने जिंकली पण श्रेयसच्या दुखापतीची चिंता सर्वांना वाटत होती. त्यावर आता खुद्द श्रेयसनेच प्रतिक्रिया दिली आहे. श्रेयस अय्यरने सांगितले की, आता मला बरे वाटत असून दुखापतीची स्थिती पूर्वीसारखीच सामान्य आहे. मला या विषयावर जास्त बोलून कशाचीही दृष्ट लावायची नाही. सध्या मी फक्त सकारात्मक राहण्यावर लक्ष केंद्रित करत आहे आणि सर्व काही व्यवस्थित होईल, अशी आशा देखील श्रेयसने यावेळी व्यक्त केली आहे.
पंजाब किंग्जकडे कॅप्टनच उतला नाहीये
अशातच आता, प्रिती झिंटासह पंजाब किंग्जच्या हृदयाचे ठोके वाढले आहेत. जर श्रेयस अय्यर दुखापतीमधून बाहेर गेला तर पंजाब किंग्जकडे कॅप्टनच उतला नाहीये. श्रेयस अय्यर पंजाबचा सर्वात घातक आणि प्रभावी खेळाडू आहे. एवढंच नव्हे तर त्याची स्मार्ट कॅप्टन्सीने सर्वजण प्रभावीत आहेत. अशातच श्रेयस अय्यर लवकर बरा व्हावा, अशी अपेक्षा व्यक्त केली जात आहे.