TRENDING:
सीईओ वेंकी मैसूर यांच्यासोबत गप्पा
केकेआरचा स्टार बॉलर हर्षित राणा याच्यासह किंग खान याने हजेरी लावली होती. पण पावसाने गेम केला. पाऊस सुरू असताना शाहरुख खान याने ड्रेसिंग रुममध्ये जाऊन खेळाडूंची भेट घेतली. त्यावेळी शाहरूख खान यावेळी सीईओ वेंकी मैसूर यांच्यासोबत गप्पा मारताना दिसला. यावेळी शाहरुख खान टीमच्या कामगिरीवर नाराज असल्याचं दिसत होतं. त्याचे काही व्हिडीओ व्हायरल झाले आहेत. पण शाहरुख काहीही झालं तरी कधी खेळाडूंना एका शब्दाने बोलत नाही, हे सर्वांनाच चांगलंच माहिती आहे.
advertisement
शाहरुख खान टीमच्या कामगिरीवर नाराज
शाहरुख खान याने खेळाडूंची शाळा घेतली की काय? असा सवाल सोशल मीडियावर विचारला जातोय. आत्तापर्यंत केकेआरने दोन्ही सामने गमावल्याने शाहरुख नाराज दिसत होता, असंही काही नेटकरी म्हणतायेत. तसेच शाहरुख आल्यानेच केकेआरचं पाईंट्स टेबलचं खातं उघडलं, असा टोला देखील नेटकरी लगावताना दिसतायेत. त्यामुळे शाहरुखचा पायगूण चांगला होता, अशी चर्चा सुरू झालीये.
टॉस जिंकून पहिल्यांदा बॅटिंग करण्याचा निर्णय फसला
तीनवेळा चॅम्पियन राहिलेल्या कोलकाता नाईट रायडर्सची (KKR) सुरुवात अत्यंत खराब झाली आहे. आपल्या सुरुवातीच्या दोन्ही मॅचेस गमावल्यानंतर सोमवारी पंजाब किंग्सविरुद्धच्या मॅचमध्येही त्यांची स्थिती नाजूक होती. ईडन गार्डन्सवर टॉस जिंकून पहिल्यांदा बॅटिंग करण्याचा निर्णय फसला आणि फिन ॲलन व कॅमेरून ग्रीन स्वस्तात बाद झाले. मात्र, 3.4 ओव्हरचा खेळ झाल्यावर पावसाने हजेरी लावली आणि प्रदीर्घ प्रतीक्षेनंतर मॅच रद्द करावी लागली.